1 Timote 6 - Tege Kiwoyeti (teg) NT Portions

¹ Bwori baali ayiga ave abaragi ndi amfumu a bo ŋa onyimi boonini, mabu ndi mbuuru ki ntuga Njyami ŋi, se ma eyizigi e bizi a be.

² Ayiga baali ŋa amfumu ba ayalagi adumu a bo. Ŋaa ki mpyeme eli ayiga ba andaga bo kanyima ŋi. Nkalave, bo avuri sali yemiŋi. Okorogo, amfumu ba baabaga esala kangula bo, ma bo baali ayaligi ba ajya bo. Mono ma yiziga we ŋa ma kalyele.

Lila ma Njyami kabaga ka jaajaa

³ Aka mbuuru ayiziga eyizigi ekima, aka nde acyege ma ambari atele a Mfumu bizi a be Zezi Kirisite ŋa ma eyizigi e yemiŋi ma lila le bizi a be,

⁴ kamaka mbuuru okamba eli ki ya jaa ŋi. Nde ŋa ngayi ye lebila ŋa etogi. Kaŋa kayaa ayala, etogi, ejorigi, ekesi beebi,

⁵ ŋa lebila le leka mfa ŋi. Ba baasa bwa, eduduma e bo eli pyo, ŋa bo aki ya asisyele ŋi. Bo ba acimiŋa ndi lila ŋa Njyami kamaka kabaga.

⁶ Kamaka jaajaa lila ŋa Njyami kabaga keenini, aka lemono kase ma elogo ba leli ŋa jo.

⁷ Okorogo, bizi a be le ki ya ŋa kalogo nca okiri wu ŋi, ŋa bizi a be se kalogo ka lebira kali.

⁸ Ŋaa bizi a be aka ŋa eja ba kaja ŋa amfa ma kalaaza, beje kato bizi a be.

⁹ Ŋaa baba jya kaka anga kabaga, bo waraga nca kamiga, nca tanga. Bo ami waraga ma ajya kuna ma ojiri ŋa maabi mama ciina baari nca kaama, ya ye tasa bo.

¹⁰ Kabila jya le ampara kamaka kacya ka keya ŋa ndogo. Ake ajii kabaga ŋa bo atamiŋi laa ŋa lila, bo asagi mpasi ekuna, ma bomankulu.

Ndwoyi ye ampi Timote

¹¹ Ŋaa we, mbuuru a Njyami, bara elogo bya njwori. Selege kalwono maami atele, ka tele ŋa Njyami. Ka bila lila, jya, kajila ŋa kadusu.

¹² Jwana mvuru e taataa ma osala o lila; kwara omwon ba obu-obu ngingi eli Njyami ma acwolo we. Ŋa we yaligi lila le we le jaajaa ka osu ba atemi akukuna.

¹³ Ka osu o Njyami, wo ampa omwon ma elogo njwori, ŋa Zezi Kirisite wo wobi yemiŋi ma lila ka osu o Pontese Pilate, mi elyele we:

¹⁴ kyele ngiri ye bagi we, kyele ma lemigi le cece eli kiila keebi kali, tii kaya Mfumu a bizi a be Zezi Kirisite.

¹⁵ Njyami asa nde kayavuruga ma ntini ye akura nde. Nde otu ŋa mpari ywori, nde Njyami o nde otu, kacya ka kase, Okunji wo akunji, Mfumu wo amfumu.

¹⁶ Nde mbuuru nde otu eli aka kpa ŋi. Nde kaka kanca kawaa eli bizi a be le kato ŋi. Mbuuru oki mono nde ŋi, mbuuru ki buna nde kamono ŋi. Ndi lekuma bila mpari eka bila nde obu-obu. Ee bwa!

¹⁷ Lelyele ŋa anga kabaga ba okiri wu andaga kamba. Ŋa bo andaga tari kalege nca kabaga keeli ki biga ŋi, ŋaa bo alege lo ma Njyami wo aselege mpa bizi a be njwori mabu ndi bizi a be lebagi kase.

¹⁸ Laga bo ma kasa leve, ma kaka ŋa kabaga ba esima beeve, bo aka bila kase ŋa ma kaka pa ma kakaba bila abuga.

¹⁹ Bo kasa mva bwa, bo ba abaga lebuuga le lebigi ma ntini ya yeya mabu ndi akwara omwon o jaajaa.

²⁰ Ndigi a mi Timote, kyele taataa e Njyami ka kampi we. Bara nkele yeeli kiila kali ŋa ya yeebiza kawuana lila, engomgbo amvyeri ma eyayi beebi.

²¹ Ake alagi ndi bo ŋa kaya kya, ŋa bo alabigi ma lila. Ndi puga leka bila be.