Oseas 3 - Toba del Oeste

Oseas yitaĝa ue'tajop jañe'me loua jo'ne cheuaĝae

¹ Yitaĝa jayem dojapegue' joñe'me Jaliaĝanec, enaac: «Oc qama'le oue'tajop qomle jana'me adoua jo'ne cheuaĝae. Qa'a 'uo joga'me naigaĝaua jo'ne en lojaĝaua, qalaĝaja yataqata adoqopita qomle jana'me: auadenaĝat da'me yataqata joqopitalo joga'me Israel lec'oqo'tepi, mate mane'e yataqata jayem yoqovitedac nale, da'me netametapecoto gaa'me qop'iyapegalo jo'ne ja ejoda nataq'aen yali'j jogaa'me nacataje jo'ne chiyoqodayi joga'me uva jala, nach'egaua jo'ne qoye'n najaqajel nale.»

² Chane'eja jajelaĝanec jaga'me yauo, jejetenaĝana naa'me quince nemenal jo'ne plata nataq'aen ciento cincuenta kilos auaqapi jala jo'ne cebada, qaedi jañe'me yitaĝa jayem 'niyelaĝa.

³ Qama'le ja'aĝatem jenjo' jañe'me: «Am youa, male jalcote naa'me noloqo'ote da'me jayem one'tajop qomle. Chane'eja ena'te am quejeguetaĝae, ena'te oue'tajop ga'me jiyaĝaua laqaya, qama'le da'me jayem nach'e ena'am jen am onole.»

⁴ Qa'a nach'e ena'am joga'me Israel lec'oqo'tepi jalcote naa'me noloqo'ote qomle da'me qaya'te lejaliaĝane'j nataq'aen qaya'te lajoĝola't; qaya'te 'uo ga'me ya'uo lajaqaje ta'le qoyanem ñe'me Dios, nataq'aen qaya'te qa' jo'ne qoyen c'atonaĝala'; qayaua'te leuo lael jogaa'me tamenaĝaiqui lo'ol nataq'aen qayaua'te qomle gaa'me nequi'il jo'ne qonetamenoto nale.

⁵ Qalaĝaja qom yem jena'me jenjo', qama'le yitaĝa 'viyelaĝadetot joñe'me Jaliaĝanec mach'e Nedios, nataq'aen quetede'egue qomle ga'me chiyoĝoguet di'me David. Qom yovideta gaa'me noloqo'ote jo'ne p'atedegue, qama'le yataqata yoqochideta joñe'me Jaliaĝanec, nataq'aen yec'adeta joñe'me qaedi naĝadi'ñijop jouaĝat ga'me onaĝaic jo'ne yanema.