Nehemías 10 - Toba del Oeste

¹ Chane'eja nedelegue da'me nediijec joñe'me jaliaĝanec Nehemías, mach'e lec'oĝot ñe'me Hacalías, nataq'aen joñe'me Sedequías.

² Yem qama'le nach'e ena'am nededelegue jogaa'me tamenaĝaiqui lo'ol jo'ne lenaqa'te da'me Seraías, Azarías, Jeremías,

³ Pashur, Amarías, Malquías,

⁴ Hatús, Sebanías, Maluc,

⁵ Harim, Meremot, Abdías,

⁶ Daniel, Guinetón, Baruc,

⁷ Mesulam, Abías, Mijamín,

⁸ Maazías, Bilgai nataq'aen Semaías.

⁹ Nataq'aen nededelegue jogaa'me levita laje' jo'ne lenaqa'te da'me Josué, mach'e lec'oĝot ñe'me Azanías, Binuy jo'ne chiyoĝoguet di'me Henadad, Cadmiel;

¹⁰ nataq'aen jogaa'me laqaya' jo'ne Sebanías, Hodías, Quelitá, Pelaías, Hanán,

¹¹ Micaías, Rehob, Hasabías,

¹² Zacur, Serebías, Sebanías,

¹³ Hodías, Baní nataq'aen Beninu.

¹⁴ Nataq'aen nededelegue jogaa'me najoĝola'te jo'ne lenaqa'te da'me Parós, Pahat-moab, Elam, Zatú, Baní,

¹⁵ Binuy, Azgad, Bebai,

¹⁶ Adonías, Bigvai, Adín,

¹⁷ Ater, Ezequías, Azur,

¹⁸ Hodías, Hasum, Besai,

¹⁹ Harif, Anatot, Nebai,

²⁰ Magpías, Mesulam, Hezir,

²¹ Mesezabel, Sadoc, Jadúa,

²² Pelatías, Hanán, Anaías,

²³ Oseas, Hananías, Hasub,

²⁴ Halohés, Pilhá, Sobec,

²⁵ Rehúm, Hasabná, Maaseías,

²⁶ Ahías, Hanán, Anán,

²⁷ Maluc, Harim nataq'aen Baaná.

Yema jogaa'me jiyaĝadipi 'yamaqate'n daa'me lamajoĝonaĝaco joñe'me Dios

²⁸ Chane'eja yema jogaa'me jiyaĝadipi laqaya', jo'ne tamenaĝaiqui lo'ol, levita laje', jom lo'ol, onaĝanaĝayaqa, namaĝa's ga'me tamenaĝaiqui, nataq'aen yema jogaa'me jiyaĝadipi jo'ne niyotedegue ca'li qaedi que'teguelo daa'me lamajoĝonaĝaco joñe'me Dios, nach'e ena'ama jogaa'me loua', c'oqo'te, c'oqotel, yema jogaa'me jo'ne maqachaĝa domachi'y nataq'aen yayate'n da'me dojo',

²⁹ male uaĝayeta jogaa'me mach'e layi nataq'aen jogaa'me najoĝola'te, qama'le yauote joga'me 'naĝataĝa'j queda'me male enapela'ajalo que'teguelo jogaa'me lamajoĝonaĝaco joñe'me Dios jo'ne yanema ca'li ñe'me lalemaĝajet Moisés, qaedi yauote yema da'me damajoĝolegue joñe'me Jaliaĝanec.

³⁰ Chane'eja male ja jenaĝa 'uoneguet jogaa'me qochalel jogaa'me jo'ne ja qat'achaqa' laje', uotaĝa jogaa'me mach'e c'oqotel ja jenaĝa 'uonegueta jogaa'me qac'oqo'te.

³¹ Nataq'aen ga'me nolo' jo'ne omataĝaiqui, qom joga'me jiyaĝadipi jo'ne ja qat'achaqa' laje' qo'mi neda'alo joga'me mach'e lemene'j nataq'aen ga'me niqui'yaĝat, qama'le ja qauajelaĝanec, qa'a tachigui joga'me nolo' jo'ne omataĝaiqui; nach'e ena'am da'me ja qauajelaĝanec qom gamachaqaega ga'me nolo' laqaya jo'ne ja 'nalegue. Nataq'aen joga'me uo'e jo'ne séptimo, yovita da'me jenaĝa 'nomatedegue jogaa'me qadanaĝanaqa'te, nataq'aen ja qauajela'y jogaa'me jo'ne uo'oe daa'me laviyaĝaje'te.

³² Nach'e ena'am qadelnataĝac da'me janaĝaye onolqa'tape gaa'me 'uoidi ga'me qadajaqajec cuatro gramos jaga'me plata qaedi qalecochaĝaneguet joga'me tamenaĝaiqui joñe'me mach'e Qanedios,

³³ nach'e ena'am qaedi qoya'uo jaga'me pan jo'ne ja nalegue, nataq'aen gaa'me najaqae's yemeda jogaa'me noloqo'ote jo'ne qoyegouelo jogaa'me yejidi jo'ne qoyachedalegue jogaa'me nec'atonaĝala', nataq'aen jogaa'me najaqae's gaa'me noloqo'ote jo'ne omataĝaiqui', nataq'aen nale qonetonec joga'me auoĝoic dalaĝaic choqogaa'me neualayaĝaco laqaya'; nataq'aen gaa'me najaqae's jo'ne qoye'n yelotede'eguet da'me nadalaĝatela'ajalo, nataq'aen qaedi qoyapalaĝa't gaa'me loeco jogaa'me Israel lec'oqo'tepi, nataq'aen yema joga'me yelo'teguet nale yema'a't joga'me netamenaĝaiqui joñe'me Qanedios.

³⁴ Gaa'me tamenaĝaiqui lo'ol, gaa'me levita laje' nataq'aen yema jogaa'me jiyaĝadipi, male qanalichiguilo jogaa'me qat'achaqa'te qaedi jayatenaq jach'e joga'me qauaye yedo'uo ga'me netamenaĝaiqui joñe'me Dios joga'me nalonec nale ga'me uo'e, qaedi qoyegouelo gaa'me najaqae's jo'ne qoyachedalegue nale ga'me lec'atonaĝala' joñe'me Jaliaĝanec, qa'a naq'aeta da'me namajoĝonaĝac jo'ne joote qoyediñe ca'li.

³⁵ Nach'e ena'am qa'naĝatela't queda'me jedoĝo'uo yemeda gaa'me 'uoidi joga'me netamenaĝaiqui joñe'me Jaliaĝanec joga'me 'uaechiñe jalayaĝac jogaa'me qadanaĝanaqa'te nataq'aen joga'me jalayaĝac jogaa'me e'epa.

³⁶ Nataq'aen qauede'uo jogaa'me qanepiloqo'te nataq'aen jogaa'me 'uaechidiñe c'oqo'te jogaa'me 'nanaĝatel, quetaq c'oqo'te, uaca c'oqo'te; janemaĝama jogaa'me tamenaĝaiqui lo'ol jo'ne yelodelegue ga'me netamenaĝaiqui joñe'me Qanedios, qa'a naq'aeta da'me namajoĝonaĝac jo'ne joote qoyediñe ca'li.

³⁷ Nach'e ena'am da'me jedoĝo'uo ga'me najaqajec lae't jo'ne naue ga'me tamenaĝaiqui mach'e loĝot ñe'me Qanedios, jo'ne yelodelegue gaa'me tamenaĝaiqui lo'ol, joga'me no'en harina lojoche, jogaa'me 'uaechiñe jalayaĝac jogaa'me e'epa, uotaĝa uva li'i, nataq'aen ga'me aceite chiyaqayi jaga'me olivo. Janemaĝama gaa'me levita laje' jogaa'me najaqajel jo'ne chiyaqayi ga'me nanec jala, qa'a nach'egaua yacoteguet nale joga'me lae gaa'me najaqae's.

³⁸ Chane'eja jogaa'me levita laje', qom yacoteguet joga'me najaqajec qama'le 'noota ta'le 'uo ga'me tamenaĝaiqui lo'o qaedi yauatalegue, ga'me chiyoĝoguet di'me Aarón. Yem qama'le jogaa'me levita laje' male yacota joga'me lae ga'me najaqajec qaedi yedota ga'me lae't jo'ne naue joga'me netamenaĝaiqui joñe'me Qanedios.

³⁹ Qa'a jogaa'me Israel laje' choqogaa'me levita laje', nach'egaua yedota ga'me lae't jo'ne naue joga'me tamenaĝaiqui joga'me najaqajec chiyaqayi joga'me trigo, joga'me lataĝa choqoga'me aceite. Ga'me jo'ne uapi'ña joga'me najaqajec, jo'ne uetedaue jogaa'me lo'ol jogaa'me najaqae's, nataq'aen tamenaĝaiqui lo'ol jo'ne yelodelegue gaa'me jo'mi nataq'aen jogaa'me onaĝanaĝayaqa. ¡Jauoqo ga'me qa'naĝataĝac da'me ja qolqa'e ñe'me netamenaĝaiqui joñe'me Qanedios!