Ester 10 - Toba del Oeste

'Naqatac jo'ne p'ategue

¹ Joñe'me jaliaĝanec Asuero yataqata ya'uo ca'li ga'me qoyiyaĝanaque yemeda naa'me 'nale'u, chayovida'alo gaa'me loiquiaqa'te.

² Yema da'me ya'uo ca'li joñe'me jaliaĝanec Asuero, qa'a 'uo da'me lañoqotaĝanaĝac let'adaic, chayovida'a ca'li yanem da'me lañoqotaĝanaĝac joñe'me Mardoqueo, yataqata uetaye ga'me nediijec jo'ne 'laqataĝanaĝa'j dia'me jaliaĝanaqa di'me aleua Media nataq'aen Persia.

³ Mardoqueo jo'ne judío naqaeñe yataqata 'uo da'me lejaliaĝa, p'ateguet ñe'me jaliaĝanec Asuero. Yemeda gaa'me judiopi yataqata qoyayaten da'me nach'eñe jiyaĝaua jo'ne di'yaĝa, yataqata qonoqopita, qa'a joñe'me yelaque ca'li lajoĝo'j gaa'me laqaya'olqa qaedi lecochiyalo, mach'e naqaeñe yelapelegue qaedi machidiñe jogaa'me noyaqa.