Hecho 12 - Tachi Ak'õre Pedea

Pedro eda jɨ̃a nɨbada awara wãna

¹ Mãɨ ewaride chi poro jũra jɨ̃parí jɨ̃ bɨ Herodepa ũpẽarã chi eda waapẽarã jitapik'ari mĩapisima.

² Juan ũpẽa Santiago k'ĩruuparí nek'opa peapisima.

³ Herodepa unusima judiorã mãɨ k'orea arapaasidat'a. Mãɨpuru Pedro sida jitapisima. Mãɨya oosima p'ana ooropiparí newẽa k'opataɨ ewaride.

⁴ Pedro jitapik'ari eda jɨ̃a nɨbɨpisima. Maapae papaká berã diecisei k'ik'imãria bɨk'ari, Pedro pia ak'ɨpisima. Herodepa k'ɨ̃risia basima ãareaɨrã k'ĩrari Pedro nepɨra ak'ɨit'a, judiorã Egitodepa wãnana k'ɨ̃risiapataɨ jõru ewaride.

⁵ Pedro jɨ̃a uru p'anɨmisa ũpẽarãpa Tachi Ak'õrea minachia ɨt'aa chiidi p'anasidama ichi k'aripamẽrá.

⁶ Herodepa Pedro nepɨra ak'ɨi naena, ara mãɨ teamasi papaká berã ume p'anɨ mãɨ esa k'ãi basima. K'ãnena ume bɨpa jɨ̃ basima. Chi jɨ̃a nɨbɨpataɨ tede eda wãpataɨmá chi eda waapẽarã papaká berãpa ot'ea p'anasidama.

⁷ Mãɨya bɨde Tachi Chiparipa ɨt'aripa peedapa Pedroa unupisima. Mãɨpa chi jɨ̃a nɨbadamá eda ɨnaa nɨbeepisima. Pedro orromá totomĩak'ari, ɨ̃rɨmapik'ari jarasima: «Ɨbɨa p'irabarise». Mãɨya bɨde chi k'ãnena ichi jua jɨ̃ bada ẽreechoa wãsidama.

⁸ Maapae chi Tachi Ak'õrepa ɨt'aripa peedapa jarasima: —Neet'á jɨ̃se mãɨnepa pɨchi jĩrune jɨ̃parí jɨ̃se. Pedropa mãɨya ook'ari chi Tachi Ak'õrepa ɨt'aripa peedapa jarasima: —Pɨ neet'á ɨ̃rɨ jɨ̃parí jɨ̃k'ari mɨ k'aade chese.

⁹ Ara mãɨne Pedro Tachi Ak'õrepa ɨt'aripa peeda k'aade wãsima, maamina k'awaé pasima Tachi Ak'õrepa ɨt'aripa peedapa piarã mãɨya oo bɨt'a. Mãɨ k'ãmok'araa jĩra k'ɨ̃risia basima.

¹⁰ Mãɨya bɨde papaká berã chi naa ot'ea p'anɨ mãɨnepa chi k'aadea ot'ea p'anɨ mãɨ p'asa wãsidama. Mãɨ p'asa wãnak'ari chi eda wãpataɨ jiorro oodamá pasidama. Mãɨne chi eda wãpataɨ jiorro ooda itu ewa wãsima. Maapae wãsidama. Mãɨ awara ãpia wawá wãutade, ara mãɨne Tachi Ak'õrepa ɨt'aripa peeda Pedro ome bada wẽpasima.

¹¹ Maapaepuru Pedropa k'awasima ichi k'amok'araaé pasit'a. Ichi tuaba jarasima: «Naapae mɨa k'awasima Tachi Chiparipa piarã Tachi Ak'õrepa ɨt'aripa peeda peek'ari mɨ Herode juadepema k'ẽet'aasit'a. Ichiaba chi judiorãpa mɨ piawẽa oodai k'ɨ̃risia p'anananepema piarã k'ẽet'aasima».

¹² Pedropa mãɨ k'awaside Juan nae María temá wãsima. Mãɨ Juan, chi ɨ̃ana t'ɨ̃ Marco pasima. María tede ũpẽarã minachia ará Tachi Ak'õrea ɨt'aa chiidimaa p'anasima.

¹³ Mãɨne Pedropa tajatariipa t'ɨ̃side, chi María pae mimiaparí ãwẽra Rode apataɨpa ak'ɨde wãsima mãɨ k'aipa t'ɨ̃ bɨ k'awai k'orea.

¹⁴ Rodepa Pedro pedea k'awaside arapaasima. Maamina chi eda wãpataɨ ewaé pasima. Mãɨpari eda p'ira wãk'ari ũpẽarã́ jarasima Pedro tajata bɨt'a.

¹⁵ Mãɨne ãareaɨrãpa Rodea jarasidama: —Pɨ k'ĩra piawẽa bɨma. Maamina ichia piarãane asima. Mãɨne ãchia jarasidama: —Mãɨya bɨpɨra chi Tachi Ak'õrepa ɨt'aripa peeda mãɨ Pedrodepɨ.

¹⁶ Mãɨya p'anɨne Pedropa tajatariipa waa t'ɨ̃ basima. Mãɨ ewasidaɨde ãchia unusidama piarã Pedrot'a mãɨya bɨt'a. Mãɨya k'awa k'ɨ̃risiadaé pasima.

¹⁷ Maamina Pedropa juapa jarasima k'ĩup'eadamẽrá. Maapae jõma nepɨrɨsima sãmaasã́ Tachi Chiparipa ichi jɨ̃a nɨbɨpataɨ tedepema k'ẽet'aapisit'a. Ãarea nepɨrɨk'ari jarasima: —Mãɨ ãarea Santiagoa mãɨnepa chi waapẽarã ũpẽarã́ jarat'ɨ. Maapae Pedro mãmãɨpa ãyá wãsima.

¹⁸ Mãɨ ewariside papaká berãpa minachia k'awa k'ɨ̃risiadaé pasima mãɨnepa ne wap'easidama, Pedro sãmá wãsit'a k'awadawẽ pẽra.

¹⁹ Herodepa ichi jɨrɨpisima, maamina chi papaká berãpa ununaé pasima. Herodepa ãchiá mãɨ k'orea minachia idik'ari ãarea k'enapade asima. Mãɨya nak'ari Herode Judeadepa Cesarea p'uurudea wãk'ari mãma beesima.

Herode piuda

²⁰ Mãɨ ewaride mãɨ poro jũra jɨ̃parí jɨ̃ bɨ Herode k'ĩruu basima Tirodepemarã ome mãɨnepa Sidonepemarã ome. Ãchi ichi ome sõpiadayá oo p'anasima, mãɨ ichi tuadepuru chik'o atapachida pẽra. Mãɨpuru ãchi pedea audak'ari ará wãsidama ichi ome pia pedeadai k'orea. Naa Blasto apataɨmá wãsidama. Mãɨ Blasto Herode pae mimiaparí chi atepe bɨ pasima. Mãɨya Blasto ome sõpia p'aneenak'ari, ichidepa chi Herodea chichupuria idisidama pia pedeadai k'orea.

²¹ Herodepa bɨda ewaride, ichi neet'á pia jɨ̃k'ari, ichi poro jũra jɨ̃parí jɨ̃ bɨ suak'a beeparide suak'abari beesima. Maapae chi ichi p'uurudepemarã́ pedeasima.

²² Mãɨya bɨde ãchia jĩk'ua jarapachidama: «¡Cha pedea bɨ ẽpẽrawẽma, mãɨpari Tachi Ak'õrepɨ!»

²³ Maamina Herodepa Tachi Ak'õrea pia pedeaé pasima. Ara mãɨne chi Tachi Chiparipa ɨt'aripa peedapa ichi k'ɨdade beepisima. Maapae ichi p'ip'it'apa k'ok'ari, piusima.

²⁴ Chi Tachi Chipari pedea t'ɨmɨa jaratea wãsidama, mãɨnepa minachia p'anɨrãpa mãɨne ĩjãasidama.

²⁵ Bernabepa mãɨnepa Saulopa Jerusalene chi erreara ũpẽarã pae teadak'ari jĩitea wãsidama. Juan chi ɨ̃ana t'ɨ̃ Marco apataɨ ateewãsidama.