Apocalipsi 20 - Tachi Ak'õre Pedea

Mil ãyo

¹ Mãɨya nak'ari mɨa Tachi Ak'õrepa ɨt'aripa peeda aba pajãnepa edá cherut'a unusima. Ichia chi uria minachia bɨ eda wãpataɨ ewaparí uru basima. Mãɨnepa k'ãnena minachia bɨ ichi juade uru basima.

² Chi je jitak'ari mil ãyo jɨ̃ nɨbɨsima. Mãɨ je chi chõarãenapema taamapɨ. Tiore mãɨnepa Tiore apatama.

³ Tachi Ak'õrepa ɨt'aripa peedapa chi uria minachia bɨde edá jirat'aak'ari jɨ̃a nɨbɨk'ari maapae t'ap'asima, mi ãpia pida p'ue ewapiemaapa. Mãɨpa tiorepa tuachapemarã waa seaiwẽma aba mil ãyo jõrunea. Mil ãyo pak'ari ichi ẽraipɨ nãɨ ĩjũane tãaraawẽa bamẽrá.

⁴ Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

⁵ Mãɨ chok'ae p'irabaridada Tachi Ak'õrepa naa chok'ae p'irabaripida pasima. Waapẽarã piudarã chok'ae p'irabaridaé pasima aba mil ãyo jõrunea.

⁶ Chi Tachi Ak'õrepa naa chok'ae p'irabaripii ẽpẽerã minachia pia p'ananaipɨ. Waa piudaiwẽma, mãɨpari Tachi Ak'õre p'aarerã mãɨnepa Cristo p'aarerã p'ananaipɨ. Mãɨnepa mil ãyo Cristo ome chi poro jũra jɨ̃parí jɨ̃ p'anɨrã p'ananaipɨ.

Tachi Ak'õrepa tiore t'ɨpɨ uruade jirat'aada

⁷ Mil ãyo jõk'ari tiore jɨ̃ bada ẽraipɨ.

⁸ Mãɨne ichia tuacha ãarea seade wãipɨ. Gog tuadepemarã, Magog tuadepemarã sida seaipɨ. Ichia mãɨ tuadepema papaká berã p'usa ipu jĩra chok'ará p'anɨt'a ateewãipɨ ẽpẽerã Tachi Ak'õrenepemarã ome k'ĩruunamẽrá.

⁹ Mãɨ tioredé papaká berã nãɨ ĩjũane ãarea wãnaipɨ. Mãɨne ãchia chi ẽpẽerã Tachi Ak'õreneerã mãɨnepa chi ichia k'ɨ̃ria bɨ p'uurut'a jũranaipɨ. Maamina Tachi Ak'õrepa pajãnepa t'ɨpɨ tau urua peepik'ari, mãɨpa ãchi ãarea k'enaipɨ.

¹⁰ Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Tachi Ak'õrepa suak'a beeparí waibɨa t'ot'oa bɨdepa ɨtɨaipɨ

¹¹ Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

¹² Ichiaba chi piudaadarã chi atepe berã mãɨnepa chi k'aepea k'ede sida Tachi Ak'õre k'ĩrari bai nɨp'anɨt'a mɨa unusima. Mãɨne k'art'a ewak'oasima. Mãɨ k'art'ade jõma ẽpẽerãpa ne oodada bɨ nɨbasima. Abaɨ k'art'a sida ewasima. Mãɨne chi ewaricha chok'ae p'ananai k'art'ade ẽpẽerã t'ɨ̃ bɨ nɨbasima. Jõma piudaadarã Tachi Ak'õrepa ɨtɨasima ãchia oodada jĩra. Ãchia oodada ãarea k'art'ade bɨ nɨbasima.

¹³ Chi p'usade piudaadarã ãarea Tachi Ak'õre k'ĩrari chesidama. Abaeda chi piudaadarã jaore ãarea ãchi p'anapataɨmãɨpa Tachi Ak'õre k'ĩrari chesidama. Maapae Tachi Ak'õrepa ãchicha ɨtɨasima ãchia oodada jĩra.

¹⁴ Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.

¹⁵ Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.