Piancilna 10 - Tedim Bible

Noah Tapate’ Suanlekhakte

¹ Hihte pen Noah’ tapa Shem, Ham, le Jafeth-te’ suanlekhakte ahi hi. Tuiciin tun khit ciangin amau sung panin tapate hong piang hi.

² Jafeth’ tapate: Gomer, Magog, Madai, Javan, le Tiras ahi hi.

³ Gomer’ tapate: Ashkenaz, Rifath, le Togarmah ahi hi.

⁴ Javan’ tapate: Elishah, Tarshish, Kittim, le Dodanim ahi hi.

⁵ Hihte pen tuipi gei-a teng mite’ pulepa ahi uh hi. Amaute’ leitangah amau’ kam pau ciat zangin, a beh, a minamin a om uh hi.

⁶ Ham’ tapate: Kush, Egypt, Put, le Kanaan ahi hi.

⁷ Kush’ tapate: Seba, Havilah, Sabtah, Raamah, le Sabteka ahi hi. Raamah’ tapate: Sheba le Dedan ahi hi.

⁸ Kush in Nimrod kici tapa khat nei a, amah pen leitungah a vanglian masa mi ahi hi.

⁹ Amah pen Topa’ mai-ah a minthang sabengpa zong ahi hi. Tua ahih ciangin, “Topa in Nimrod bangin a minthang sabengpa hong suaksak ta hen,” kici hi.

¹⁰ Ama kumpi gam kipatna Babel, Erek, le Akkad hi a, tuate khempeuh Shinar gam sungah om hi.

¹¹ Tua gam panin Assiria gam sungah amah pai-in Nineveh, Rehoboth-Ir, Kalah, le

¹² Nineveh le Kalah kikal-a om Resen khuapite a sat hi. Tua Kalah khuapi pen khuapi lian ahi hi.

¹³ Egypt pen Lud mite, Anam mite, Lehab mite, Naftuh mite,

¹⁴ Pathru mite, Kasluh mite (Filistia mite’ pianna), le Kaftor mite’ pianna pupi ahi hi.

¹⁵ Kanaan pen ama sung pan a suak masa Sidon, Heth,

¹⁶ le Jebus mite, Amor mite, Girgash mite,

¹⁷ Hiv mite, Arki mite, Sin mite,

¹⁸ Arvad mite, Zemari mite, le Hamath mite’ pianna pupi ahi hi. Tua khit ciangin Kanaan mite kizelthang hi.

¹⁹ Kanaan mite’ gam pen Sidon panin kipanin Gerar lam manawhin Gaza ciang dong ban a, Sodom lam panin Gomorrah, Admah, le Lasha gei-a Zeboiim ciang dong ban hi.

²⁰ Hihte pen a innkuan, a kam pau, a leitang, a minamin Ham’ suanlekhakte ahi hi.

²¹ Eber mi khempeuh’ pianna pupi, Jafeth’ u, Shem’ sung panin zong tate hong piang hi.

²² Shem’ tapate: Elam, Asshur, Arpakshad, Lud, le Aram ahi hi.

²³ Aram’ tapate: Uz, Hul, Gether, le Mash ahi hi.

²⁴ Arpakshad in Shelah kici tapa khat nei a, Shelah in Eber kici tapa khat mah nei hi.

²⁵ Eber’ sung panin tapa nih suak a, khat’ min pen Peleg ahi hi. Bang hang hiam cih leh ama hunin leitung kikhen hi. A sanggampa’ min pen Joktan ahi hi.

²⁶ Joktan pen Almodad, Shelef, Hazarmaveth, Jerah,

²⁷ Hadoram, Uzal, Diklah,

²⁸ Obal, Abimael, Sheba,

²⁹ Ofir, Havilah, le Jobab’ pianna pa ahi hi. Hihte khempeuh Joktan’ tapate ahi hi.

³⁰ Amau’ tenna gam pen Mesha panin kipanin Sefar lamah nisuahna gam mualtung dong ban hi.

³¹ Hihte pen a innkuan, a kam pau, a leitang, a minamin Shem’ suanlekhakte ahi hi.

³² Hihte pen Noah’ tapate innkuan, a khangsimna tawh kizui-in amau’ minam ahi hi. Tuiciin tun khit ciangin hihte tung panin leitungah minamte kizelthang hi.