Late 52 - Tedim Bible

Gilo a Kisialhna Kitai

¹ Mi thahatpa aw, bang hangin miphate suksiatna-ah kisial na hi hiam? Sunthapai-in, suksiatna na ngaihsunsun hi.

² Zuau nasempa aw, na leii a hiam pha mahmah mulkiatna tem tawh kibang hi.

³ Hoihna sangin siatna na deihzaw a, thuman genna sangin zuauna na deihzaw hi.

⁴ Mi a khem thei pa aw, a siasak thei kammal khempeuh deih belin na nei hi.

⁵ Tua ahih manin Pasian in nang hong susia paisuak ding hi. Amah in nang hong bawhin na buk sung panin hong kaikhia ding a, a hingte’ leitang panin hong zunglot ding hi.

⁶ Thuman mite in nang hong mu-in, lau mahmah ding uh a, nang hong nuihsanin,

⁷ “Pasian a bel lo, ama hauhnate a muang, ama hauhna a bel pa en un,” hong ci ding uh hi.

⁸ Ahih hangin kei ka hih leh Pasian’ innsunga a om oliv kung a hing tawh ka kibang hi. Pasian’ itna kip ka muang ngitnget hi.

⁹ Hih bangin keimah hong bawlkhin na hih manin nangma tungah ka lungdam ngitnget ding hi. Thuhoih ahih manin miphate omna-ah nangma min ka taangko ding hi.