Late 26 - Tedim Bible

Hoih Gamtatna Lahkhiat ding Kalhna

¹ Topa aw, a hoihin gamta-in Topa hong muang ka hih manin, ka thutanna hong lak in.

² Topa aw, hong ze-et inla hong sin in. Ka lungsim le ka ngaihsutna hong entel in.

³ Bang hang hiam cih leh na itna kip in lam hong lak a, nangma tungah citakin ka gamta hi.

⁴ Mikhialte tawh tukhawm loin, thusim neite tawh ka kipawl kei hi.

⁵ Siatna a bawl mite ka mudah a, migilote tawh ka tukhawm kei hi.

⁶ Topa aw, mawh baan lohna ka lahna-in ka khutte ka sil a, biakna pia-in na biakna tau kiim ah ka pai hi.

⁷ Lungdam kohna la a gingin sa-in, nangma nasep a lamdangte ka gen kawm hi.

⁸ Topa aw, nangma inn-a ten ding le na minthang a omna munah om ding ka ut hi.

^9-10 Mimawhte, mi that nuamte, siatna a bawl mite, le golhguk a la nuamte tawh kei hong susia khawm kei in.

¹¹ Ahih hangin kei ahihleh, ka hoih gamtat hi. Hong hehpih inla, kei hong honkhia in.

¹² Leizang munah ka ding hi. Mihon tampi lakah Topa ka phat ding hi.