Late 24 - Tedim Bible

Minthang Kumpipa

¹ Leitung le a tunga omte, leitung le a tunga tengte Topa-a’ ahi hi.

² Bang hang hiam cih leh amah in tuipite sungah a bul phut a, tui tungah a kipsak hi.

³ Topa’ mual tungah kuate kahto ding ahi hiam? Ama mun siangtho-ah kuate ding ding ahi hiam?

⁴ Gamtat siangtho le lungsim siangtho a nei, a man lo thu-ah a nuntakna pia loin, khemna tawh a kiciam lo mite ahi hi.

⁵ Tua bang mite in Topa’ tung panin thupha ngah ding uh a, amaute a honkhia Pasian’ kiang panin diksakna ngah ding uh hi.

⁶ Tua bang mite pen, amah a zong, Jakob’ Pasian’ mai a zong minam ahi hi.

⁷ Minthang Kumpipa hong tumtheih nadingin, kulh kongpite lian hon unla, tanglai kongkhakte gol hon un.

⁸ Minthang Kumpipa kua ahi hiam? Hatin a vanglian Topa, galhat Topa ahi hi.

⁹ Minthang Kumpipa hong tumtheih nadingin, kulh kongpite lian hon unla, tanglai kongkhakte gol hon un.

¹⁰ Hih a minthang Kumpipa kua ahi hiam? VanglianTopa, minthang Kumpipa ahi hi.