Late 15 - Tedim Bible

Pasian’ Mual Siangtho tungah A Teng Mite

¹ Topa aw, na biakinn sungah kua om ding ahi hiam? Na mual siangtho tungah kua teng ding ahi hiam?

² Paubaang loin gamta-in, a manin na sem a, lungsim tak a gen mi,

³ mi gensia loin, a lawmte tungah siatna bawl lo a, a vengte a mawhsak lo mi,

⁴ migilote thusim lo a, ahi zongin Topa a zahtakte a pahtawi mi, ama natna ding nangawnah a ciampel lo mi,

⁵ ama sum a meetin a kha lo, thutang mite a langpan lo, golhguk a la lo mite teng ding uh hi. Hih bangin a gamtate pen ling ngei lo ding hi.