Late 130 - Tedim Bible

Huh Ding Ngetna

¹ Topa aw, ka lungkham mahmahna panin nang tungah kong kiko hi.

² Topa aw, ka aw hong za in. Ka thumna awgingte hong ngai in.

³ Topa aw, nangmah in mawhneite ciamteh lecin, Topa aw, kua in thuakzo ding ahi hiam?

⁴ Ahih hangin nangmah hong kizahtak theih nadingin nangmah in mawhna na maisak hi.

⁵ Topa’ hong huh ding lawpna tawh ka ngak a, ama thugen ka muang hi.

⁶ Galvilte in zingsang hun ding a ngaklah sangin galvilte in phalvak hun ding a ngaklah sangin, Topa ka ngaklah zaw hi.

⁷ Israel aw, Topa muang in. Bang hang hiam cih leh Topa’ itna kip tawntungin, hong honkhia nuam tawntung hi.

⁸ Mawhna a om khempeuh panin amah in Israel-te a honkhia ding hi.