Late 113 - Tedim Bible

Pasian in Miniamte Sangsak

¹ Topa phat un. Topa’ nasemte aw, phat un. Topa’ min phat un.

² Topa’ min in tu a kipanin thupha ngah tawntung tahen.

³ Nisuahna pan nitumna dongin Topa’ min phat ding ahi hi.

⁴ Topa in minam khempeuh tungah uk a, ama minthanna vantung sangin sangzaw hi.

^5-6 A sangna munah a tu, vantung le leitung a hong ensuk Topa, eite’ Pasian pen kua tawh kibang ahi hiam?

⁷ Amah in leivui panin mizawngte laamto-in, ninphual panin mi cimawhte le a lungkhamte domto a,

⁸ uliante tawh kikhawl sakin ama mite’ ulianin a bawl hi.

⁹ Amah in tasel numei tungah ta guan a, ta a nei nu a lungdamin a bawl hi. Topa phat un.