Late 112 - Tedim Bible

Miphate’ Lungdamna

¹ Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

² Ama suanlekhakte leitungah vanglian ding a, a lungsim thutang mite’ suanlekhakte thupha kipia ding hi.

³ Hauhna le nopsaknate a innkuan sungah dim ding a, ama thumanna kip tawntung ding hi.

⁴ Lungsim thutangte a dingin khuamial sung panin khuavak hong taangkhia hi. Topa dik a, hehpihna nei-in, amah thuman hi.

⁵ Cingh gamtatin mite tungah leitawi pia a, thutangin a gamta mite tungah thu a hoih hi.

⁶ Amah kiling lo taktak ding a, kiphawk tawntung ding hi.

⁷ Amah in thusia zak ding lau lo hi. Topa muang a, ama lungsim a kip hi.

⁸ Amah lau loin, lunghimawh loin om hithiat a, amah a langpangte a guallelh ding a theitel hi.

⁹ Amah in hawmkhia zuahzuah a, mizawngte tungah a piakhia hi. Ama migitna kip tawntung a, amah vanglianin kipahtawi ding hi.

¹⁰ Migilo in hih thu mu-in a heh suak mahmah a, a ha gawigawi-in a tuimang hi. Migilote’ lametna a mawkna a suakta hi.