Late 100 - Tedim Bible

Lungdamna tawh Topa’ Na Sem Un

¹ Gam khempeuh aw, Topa’ tungah lungdamna aw gingsak un.

² Lungdamna tawh Topa’ na sem un. Ama omna-ah la sa kawmin hong pai un.

³ Topa, Pasian ahihna thei un. Eite hong bawlpa amah hi a, eite ama a’ ihi hi. Eite ama mi ihi a, ama gankhahna sunga om a tuute ihi hi.

⁴ Lungdam kohna tawh ama kongpi-ah lut unla, amah phatna tawh ama huang sungah tum un. Ama tungah lungdam ko unla, ama min phat un.

⁵ Bang hang hiam cih leh Topa hoih hi. Ama itna kipin kho tawntung a, ama thumanna a khang khangin kip hi.