Joshua 19 - Tedim Bible

Simeon a Kipia Gam

¹ A beh zui-in Simeon minam a’ ding aisan nihna hong tung hi. Amau’ gamh in Judah minamte’ gamh ngahsa pawkhat huam hi.

² Amau’ ngah ding gamhte pen Beersheba, Sheba, Moladah,

³ Hazarshual, Bala, Ezem,

⁴ Eltolad, Bethul, Hormah,

⁵ Ziklag, Bethmarkaboth, Hazarsusah,

⁶ Bethlebaoth, le Sharuhen - khuapi sawm le thum, a khuaneute tawh ahi hi.

⁷ Tua ciangin Ain, Rimmon, Ether, le Ashan - khuapi li a khuaneute tawh zong ahi hi.

⁸ Negeb gam Ramah-a om Baalathbeer ciang dong hih khuapite’ kiima om khuaneute khempeuh zong a huam ahi hi. Hihte pen a beh tawh kizui-in Simeon minamte’ luah ahi hi.

⁹ Simeon minamte’ luah in Judah minamte’ gam sung khenkhat hong huam hi. Bang hang hiam cih leh Judah minamte’ ngah pen amau a dingin lianlua a, amau’ luah sung panin Simeon minam in gamh ngahsawn uh hi.

Zebulun a Kipia Gam

¹⁰ A beh tawh kizui-in Zebulun minam a dingin aisan thumna hong tung hi. Amau’ luah gam in Sarid ciang dong ban hi.

¹¹ Tua ciangin nitumna lamah a gamgi paito-in Mareal ah paisuak a, Dabbesheth va su a, tua ciangin Jokneam nisuahna lama om lui a ban hi.

¹² Sarid panin nisuahna lam manawhin pai-in Khislothtabor gamgi-ah tung hi.

¹³ Tua panin Daberath-ah pai-in Jafia ciang ban a, tua lai panin nisuahna lam Gathhefer, Ethkazin lamah paisuak a, tua ciangin Rimmon-ah pai lai-in Neah lamah a kawi hi.

¹⁴ Tua ciangin leilu lam pan, Hannathon lamah gamgi kihei a, Iftahel kuamah a tawp hi.

¹⁵ Tua ciangin Kattath, Nahalal, Shimron, Idalah, le Bethlehem khuate zong huam a, khuapi sawm le nih, a khuaneute tawh ahi hi.

¹⁶ Hihte pen a beh tawh kizui-in Zebulun minamte’ luah hi a, hih khuapite a khuaneute tawh ahi hi.

Issakhar a Kipia Gam

¹⁷ A beh tawh kizui-in Issakhar minamte a dingin aisan lina hong tung hi.

¹⁸ A gam in Jezreel, Khesulloth, Shunem,

¹⁹ Hafaraim, Shion, Anaharath,

²⁰ Rabbith, Kishion, Ebez,

²¹ Remeth, Engannim, Enhaddah, le Bethpazzez a huam hi.

²² A gamgi in Tabor, Shahazumah, le Bethshemesh zong ban a, Jordan-ah a tawp hi. Khuapi sawm le guk, a khuaneute tawh ahi hi.

²³ Hihte pen a beh tawh kizui-in Issakhar minamte’ luah hi a, a khuapite a khuaneute tawh ahi hi.

Asher a Kipia Gam

²⁴ A beh tawh kizui-in Asher minamte a dingin aisan ngana hong tung hi.

²⁵ A gam in Helkath, Hali, Beten, Akshaf,

²⁶ Allammelek, Amad, le Mishal huam hi. Nitumna lamah Karmel le Shihorlibnath ban a,

²⁷ tua ciangin nisuahna lamah kihei-in Bethdagon-ah pai a, leilu lam Bethemek le Neiel lamah Zebulun le Iftahel kuam ban hi. Tua ciangin leilu lam Kabul,

²⁸ Ebron, Rehob, Hammon, Kanah, le a Lian Sidon ciang dong paito lai hi.

²⁹ Tua ciangin Ramah-ah a gamgi kihei a, kulh a nei Taia khuapi a tung hi. Tua ciangin Hosah-ah gamgi kihei a, tuipi-ah a tawp hi. Mahalab, Akzib,

³⁰ Ummah, Afek, le Rehob khuapite huam a - khuapi sawmnih le nih, a khuaneute tawh ahi hi.

³¹ Hihte pen a beh tawh kizui-in Asher minamte’ luah hi a, hih khuapite a khuaneute tawh ahi hi.

Naftali a Kipia Gam

³² A beh tawh kizui-in Naftali minamte a dingin aisan gukna hong tung hi.

³³ A gamgi pen Helef, Zaanannim-a om tawsaw, le Adaminekeb, le Jabneel panin Lakkum ciang dong pai-in Jordan-ah a tawp hi.

³⁴ Tua ciangin nitumna lam Aznothtabor-ah a gamgi kihei a, tua lai panin Hukkok-ah pai-in, leitaw lamah Zebulun ban a, nitumna lamah Asher banin, nisuahna lam panin Jordan-ah Judah a ban hi.

³⁵ Kulh a nei khuapite pen Ziddim, Zer, Hammath, Rakkath, Khinnereth,

³⁶ Adamah, Ramah, Hazor,

³⁷ Kedesh, Edrei, Enhazor,

³⁸ Iron, Migdalel, Horem, Bethanath, le Bethshemesh - khuapi sawm le kua, a khuaneute tawh ahi hi.

³⁹ Hihte pen a beh tawh kizui-in Naftali minamte’ luah hi a, a khuapite a khuaneute tawh ahi hi.

Dan a Kipia Gam

⁴⁰ A beh tawh kizui-in Dan minamte a dingin aisan sagihna hong tung hi.

⁴¹ A luah gamte in Zorah, Eshtaol, Irshemesh,

⁴² Shaalbim, Aijalon, Ithlah,

⁴³ Elon, Timnah, Ekron,

⁴⁴ Eltekeh, Gibbethon, Baalath,

⁴⁵ Jehud, Beneberak, Gathrimmon,

⁴⁶ le Joppa galkhat a om Mejarkon le Rakkon a gamte tawh a huam hi.

⁴⁷ Dan mite in amau’ gam a taan ciangun Dan mite kuanto-in Leshem sim uh a, amaute in a mite manin namsau tawh a thah khit uh ciangin tua gam luahin a sungah teng uh a, amau’ pupi’ min tamin Leshem pen Dan ci-in min a phuak uh hi.

⁴⁸ Hihte pen a beh tawh kizui-in Dan minamte’ luah hi a, hih a khuapite a khuaneute tawh ahi hi.

Joshua a Kipia Gam

⁴⁹ Israel mite in gamh-in tua leitangte a hawm khit uh ciangin amaute lakah Nun tapa Joshua tungah gamh a pia uh hi.

⁵⁰ Topa’ thupiakna tawh ama nget khuapi, Efraim mualtung gam a om Timnathserah a pia uh hi. Amah in tua khuapi lamkikin a sungah a teng hi.

⁵¹ Hihte pen siampi Eleazar le Nun tapa Joshua le Israel minam beh lutangte in kikhopna bukkong, Topa’ mai Shiloh-ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.