1 KHANG TANGTHU MASATE 8 - Tedim Bible

Benjamin’ Suanlekhakte

¹ Benjamin pen a tacil Bela, a nihna Ashbel, a thumna Aharah,

² a lina Nohah, le a ngana Rafa-te’ pa ahi hi.

³ Bela’ tapate: Addar, Gera, Abihud,

⁴ Abishua, Naaman, Ahoah,

⁵ Gera, Shefufan, le Huram ahi uh hi.

⁶ Ehud’ tapate (amaute pen Geba-a teng beh lutangte hi uh a, amaute Manahath-ah galmatin kipua hi):

⁷ Naaman, Ahijah, le Uzza le Ahihud’ pa Heglam a kici Gera ahi uh hi.

⁸ Shaharaim in a zite Hushim le Baara a mak khit ciangin Moab gam sungah tapate nei hi.

⁹ Amah in a zikik Hodesh tawh a neih a tapate: Jobab, Zibia, Mesha, Malkam,

¹⁰ Jeuz, Sakhia, le Mirmah ahi uh hi. Hihte pen amau beh sungah innkuan lutangte ahi uh hi.

¹¹ Amah in Hushim tawh zong a neih a tapate: Ahitub le Elpaal ahi uh hi.

¹² Elpaal’ tapate: Eber, Misham, le Ono le Lod a khuapite tawh a sat Shemed,

¹³ le Beriah le Shema (Gath a tengte a taisak Aijalon a teng beh lutangte),

¹⁴ le Ahio, Shashak, le Jeremoth ahi uh hi.

¹⁵ Zebadiah, Arad, Eder,

¹⁶ Mikhael, Ishpah, le Joha-te pen Beriah’ tapate ahi uh hi.

¹⁷ Zebadiah, Meshullam, Hizki, Heber,

¹⁸ Ishmerai, Izliah, le Jobab-te pen Elpaal’ suante ahi uh hi.

¹⁹ Jakim, Zikri, Zabdi,

²⁰ Elienai, Zillethai, Eliel,

²¹ Adaiah, Beraiah, le Shimrath-te pen Shimei’ suante ahi uh hi.

²² Ishpan, Eber, Eliel,

²³ Abdon, Zikri, Hanan,

²⁴ Hananiah, Elam, Anthothijah,

²⁵ Ifdeiah, le Penuel-te pen Shashak’ suante ahi uh hi.

²⁶ Shamsherai, Shehariah, Athaliah,

²⁷ Jaareshiah, Elijah, le Zikri-te pen Jehoram’ suante ahi uh hi.

²⁸ Hihte pen amau khang tawh kizui-in beh lutangte, a ukpite ahi uh hi. Hihte khempeuh Jerusalem-ah a teng uh hi.

Saul’ Khangsimna

²⁹ Gibeon khuapi a satpa Jeiel pen Gibeon-ah teng a, ama zi’ min Maakah ahi hi.

³⁰ Ama tapa upa pen Abdon, tua ciangin Zur, Kish, Baal, Ner, Nadab,

³¹ Gedor, Ahio, Zekher,

³² le Mikloth (amah pen Shimeah’ pa) ahi hi. Tu-in amau’ suanlekhakte zong Jerusalem-a amau’ behte’ galkhatah amau’ behte mah tawh teng uh hi.

³³ Ner pen Kish’ pa, Kish pen Saul’ pa ahi hi. Saul pen Jonathan, Malkhishua, Abinadab, le Eshbaal’ pa ahi hi.

³⁴ Tua ciangin Jonathan’ tapa pen Meribbaal hi a, Meribbaal pen Mikah’ pa ahi hi.

³⁵ Mikah’ tapate: Pithon, Melek, Tarea, le Ahaz ahi uh hi.

³⁶ Ahaz pen Jehoaddah’ pa ahi hi. Jehoaddah pen Alemeth, Azmaveth, le Zimri’ pa hi a, Zimri pen Moza’ pa ahi hi.

³⁷ Moza pen Binea’ pa ahi hi. Binea’ tapa Rafah, a tapa Eleasah, a tapa Azel ahi hi.

³⁸ Azel in tapa guk nei a, tuate’ minte: Azrikam, Bokheru, Ishmael, Sheariah, Obadiah, le Hanan ahi uh hi. Hihte khempeuh Azel’ tapate ahi uh hi.

³⁹ Azel’ sanggampa Eshek’ tapate: A tacil Ulam, a nihna Jeush, le a thumna Elifelet ahi hi.

⁴⁰ Ulam’ tapate a thahat galhangte, thal tawite, tapa tampi le tupa tampi a neite hi a, mi za le sawmnga pha uh hi. Hihte khempeuh Benjamin minamte ahi uh hi.