1 KHANG TANGTHU MASATE 7 - Tedim Bible

Issakhar’ Suanlekhakte

¹ Issakhar’ tapate: Tola, Puah, Jashub, le Shimron, li pha uh hi.

² Tola’ tapate: Uzzi, Refaiah, Jeriel, Jahmai, Ibsam, le Shemuel-te hi a, amau’ beh sung panin innkuan lutangte hi a, Tola-te beh pen amau’ khangin a galhangte ahi uh hi. David’ hun laitakin mihing tul sawmnih le tulnih le zaguk pha uh hi.

³ Uzzi in tapa Izrahiah nei hi. Izrahiah le a tapate Mikhael, Obadiah, Joel, le Isshiah, mi nga hi a, a vekpi-in ukpite ahi uh hi.

⁴ Amaute’ banah a pate uh a innkuan kuanin khangsimna-ah a kiciamtehna tawh kizui-in galsim dingin galkap honte mi tul sawmthum le tulguk om hi; bang hang hiam cih leh amaute in zi tampi nei-in ta tampi nei uh hi.

⁵ Issakhar minam sungah a om, khangsimna-ah a kiciamteh, a galhang a thahat amau beh mi a vekpi-in tul sawmgiat le tulsagih ahi hi.

Benjamin’ Suanlekhakte

⁶ Benjamin’ tapate: Bela, Bekher, le Jediael, thum pha uh hi.

⁷ Bela’ tapate: Ezbon, Uzzi, Uzziel, Jerimoth, le Iri, nga pha uh a, amau’ beh sungah innkuan lutang, a thahat galhangte ahi uh hi. Amau’ khang simna a kiciamtehna-ah tul sawmnih le tulnih le sawmthum le li pha uh hi.

⁸ Bekher’ tapate: Zemirah, Joash, Eliezer, Elioenai, Omri, Jeremoth, Abijah, Anathoth, le Alemeth ahi uh hi.

⁹ Hihte khempeuh Bekher’ tapate ahi uh hi. Amau’ khang tawh kizui-in a khang simna a kiciamtehna-ah, amau’ beh sungah innkuan lutang, a thahat a galhang mihing tul sawmnih le zanih ahi hi.

¹⁰ Jediael’ tapa pen Bilhan ahi hi. Bilhan’ tapate: Jeush, Benjamin, Ehud, Khenaanah, Zethan, Tarshish, le Ahishar ahi uh hi.

¹¹ Hihte khempeuh amau’ beh sungah innkuan lutang hi uh a, a thahat, a galhang, Jediael’ suante gal simna-ah nasem dingin a baihsa-in a om mihing tul sawm le tulsagih le zanih pha uh hi.

¹² Tua ciangin Shuppim le Huppim zong hih minamte sung mah hi a, Dan in Hushim kici tapa khat a nei hi.

Naftali’ Suanlekhakte

¹³ Naftali’ tapate: Jahziel, Guni, Jezer, le Shallum hi a, Bilhah sung pana piangte ahi uh hi.

Manasseh’ Suanlekhakte

¹⁴ Manasseh’ tapate: A zineu Aram numei tawh a neih Asriel le Makhir ahi hi. Makhir pen Gilead’ pa ahi hi.

¹⁵ Tua ciangin Makhir in Huppim le Shuppim a’ ding zi a la hi. Ama sanggamnu’ min Maakah ahi hi. Makhir’ tapa a nihna’ min Zelofehad hi a, Zelofehad in tanu bek a nei hi.

¹⁶ Tua ciangin Makhir’ zi Maakah in tapa nih nei a, a min Peresh le Sheresh ahi hi. Peresh’ tapate Ulam le Rakem ahi hi.

¹⁷ Ulam’ tapa Bedan ahi hi. Hihte pen Manasseh’ tapa Makhir’ tapa Gilead’ suante ahi hi.

¹⁸ Tua ciangin Gilead’ sanggamnu Hammolekheth in Ishhod, Abiezer, le Mahlah nei hi.

¹⁹ Shemida’ tapate Ahian, Shekhem, Likhi, le Aniam ahi uh hi.

Efraim’ Suanlekhakte

²⁰ Efraim’ suante: A tapa Shuthelah, a tapa Bered, a tapa Tahath, a tapa Eleadah, a tapa Tahath,

²¹ a tapa Zabad, a tapa Shuthelah ahi hi. Efraim in tapa dang nih nei a, tuate Ezer le Elead ahi uh hi. Gath khua mite’ bawng a sut dingin a kuan lai-in Gath mite in amau tegel na that uh hi.

²² Tua ciangin a pa uh Efraim ni tampi sung kap a, amah a hehnem dingin a sanggamte hong pai uh hi.

²³ Tua ciangin Efraim in a zi luppih a, amah gai-in tapa khat nei hi. Ama inn sungah siatna tung ahih manin amah in a min Beriah a phuak hi.

²⁴ Ama tanu Sheerah hi a, Bethhoron nuainung le a tungnung le Uzzensheerah khua a lam nu ahi hi.

²⁵ Tua ciangin Refah kici tapa khat nei a, ama suante: Resef, a tapa Telah, a tapa Tahan,

²⁶ a tapa Ladan, a tapa Ammihud, a tapa Elishama,

²⁷ a tapa Nun, a tapa Joshua ahi hi.

²⁸ Amau’ neihsa gam le a tenna uh Bethel le a khuapite, le nisuahna lamah Naaran, le nitumna lamah Gezer le a khuapite, Shekhem le a khuapite, le Azzah le a khuapite ahi hi.

²⁹ Manasseh’ suante in Bethshean le a khuapite, Taanak le a khuapite, Megiddo le a khuapite, Dor le a khuapite a uk uh hi. Hihte sungah Israel’ tapa Josef’ suante a teng uh hi.

Asher’ Suanlekhakte

³⁰ Asher’ tapate: Imnah, Ishvah, Ishvi, Beriah, le a sanggamnu uh Serah ahi hi.

³¹ Beriah’ tapate: Heber le Malkhiel hi a, Malkhiel pen Birzaith khuapi a satpa ahi hi.

³² Heber pen Jaflet, Shomer, Hotham, le a sanggamnu uh Shua-te’ pa ahi hi.

³³ Jaflet’ tapate: Pasak, Bimhal, le Ashvath ahi uh hi. Hihte pen Jaflet’ tapate ahi uh hi.

³⁴ A sanggampa Shomer’ tapate: Rohgah, Jehubbah, le Aram ahi uh hi.

³⁵ A sanggampa Hotham’ tapate: Zofah, Imna, Shelesh, le Amal ahi uh hi.

³⁶ Zofah’ suante: Suah, Harnefer, Shual, Beri, Imrah,

³⁷ Bezer, Hod, Shamma, Shilshah, Ithran, le Beera ahi uh hi.

³⁸ Jether’ suante: Jefunneh, Pispa, le Ara ahi uh hi.

³⁹ Ulla’ suante: Arah, Hanniel, le Rizia ahi uh hi.

⁴⁰ Hihte khempeuh Asher’ beh lutangte, a kipakta, a thahat galhangte, ulian a ukte ahi uh hi. Gal sungah nasem dingin khangsimna-ah a kiciamteh amaute a phazah mihing tul sawmnih le tulguk ahi hi.