2 Kɔrintioanɛ 7 - ONUGBÙ NYƐNYÃ VUVƆ

¹ Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Paolo Same Mumɔ

² Nɔ bhɛtɛ ɔzakɔ kɔ lɔ nɛ wunɔ idzyi mɛ. Bu dɛ bhɛtɛ kibuizizi nɛ anɔnyanɔ shu, bu dɛ yɛkɛ anɔnyanɔ dɔ nɛ tɛgɛganɛ mɛ, bu dɛ ga bushɛ mɛ zuru anɔnyanɔ.

³ Ɛtɛ ɖɔ kibuinɛ sɛ tɛ ɛbu nɔɛ pɔ, ɛtɛ tsre nɔ di sɛ nɔmɔ ɔzakɔ nɛ bulɔ idzyi mɛ, sɛ bu baza nɛkpa pɛnɔ bu batsi nɛ nɔ.

⁴ Ɛyɛkɛ wunɔ abhaŋa gelee, ɛda trɔ wunɔ abha gelee. Idzyi alɛ mahwɛ gɛganɛ, bulɔ tɛ tɛtɔ nɛ mɛ petee mɛ same tɛ nyi bubo.

⁵ Alasɛ kibe gɛ bu ba tsoku Makedonia, bulɔ ishuidzya nɛ dɛmoene, pɔ bakpɛ lɔ tɔ nɛ kɛdɔnyɛdɔɛ mɛ—ebla za ɔtɔ, kifusisi za kɛmɛnɛmɛ.

⁶ Pɔ Kpaya, gɛ ayɔ bagɛ ba lɛ idzyi awɔlɛ, ayɔ lɔ dzyi nɛ Tito yɛ tɛbɛba nɛ mɛ,

⁷ klɛ ganɛ yɛ tɛbɛba nɛ mɛ tite pɔ ɛyamyuyɔ gɛ nɔ kɔ yɛ nɛ tsyɛ. Etsre lɔ denɔ kɛpɛɛ gɛ nɔ pɛɛ sɛ tɛ nɔ mɔ mɛ, wunɔ obulo mumɔ gɛganɛ, wunɔ awɔ̃ zɛza kɔ mɛ, sɛ tɛ mɛ same mumɔ agɛganɛ adɛ tsã.

⁸ Onugɛ mɛ keplukpa nɛ gɛ ɛŋlɔmɛ kɔ nɔ tsyɛ kakpɛ nɔ obulo, kɛ dɛ tɔ mɛ. Nɛlɛmɛ kɛ tɔ mɛ—Ɛmɔ sɛ mɛ keplukpa nɛ bui kpɛpɔ nɛ wunɔ shu, pɔ kibe bhli ko—

⁹ pɔ ɔtsɔnɛ ɛmɔ same, ganɛ sɛ gɛ ba kɔ nɔ mɔ obulo so, pɔ alasɛ wunɔ obulo nɔ kɔ sɛ nɔ tsyinɛtemɛ. Alasɛ nɔ bɔ dzi obulo banɔ anasɛ gɛ Kpaya atrɔ klɛ bu dɛ zi kɛdɔnyɛdɔ nɛ kidzonyɛdzo abha nɛ wunɔ shu.

¹⁰ Kpaya obulo mɛna kitemtsyitsyina gɛ kɛkɔ sɛ nɔ mɔ tɛbhubhuiyɛkɛ klɛ kɛ dɛ tɔ anɔ, pɔ kanɔɛmɛ obulo mɛna butsi.

¹¹ Nɔ di kana gɛ kpayamɛ obulo mɛna nɛ wunɔɛ mɛ, Kide awɔ̃lulu, kide dɔ bhɛbhɛtɛ kɛlɛ ba xule wunɔnahwɛ shu, kide oblo mumɔ, kide kifu sisi, kide mɛ mɔ, kide kɛlɛ mɛnɛ wɔ, kide tɛ bɛbala sɛ tɛ ba kɔ kibuimɛ tɛbhubhui. Nɛ kidzonyɛdzo abha nɔ kasɛ wunɔshu sɛ nɔ tinyi kibuinyɛbui nɛ kibui nɛ shu.

¹² Kɛlɛso kɛlɛlɛmɛ tsyɛ sɛ ŋlɔmɛ kɔ nɔ, anɛ anɔ nɛ gɛ abhɛtɛ kizizi nɛ so, pɛnɔ agɛ yɛ ayɛkɛ kɛpɔ, pɔ sɛ tɛ nɛ Kpaya amɛ wunɔnahwɛ nɔ bɔ mɔ kana gɛ nɔ mɔ hwɛ kɔ lɔ.

¹³ Nɛ anɛ nɛ petee mɛ ba kpɛ lɔ kemi. Ɔplɛnɔ bulɔnahwɛ kemikpɛkpɛ, kɛ ku lɔ awɔ̃ sɛ bu mɔ kana gɛ same eku Tito, alasɛ yɛ ɔfufɔɛ nɛ lɔ tsodzi dzi ɔvuvɔ ganɔ wunɔ petee abha.

¹⁴ Ifekeshu kɔ yɛ nɛ wunɔ shu, klɛ nɔ dɛ kpɛ mɛ wuiɛ̃. Pɔ anasɛ kibuinyɛbui gɛ bu ɖɔ tsre nɔ kɛ nu kɛgbɛagba, so bulɔ ishufifeke denɔ wunɔ shu kɔ Tito kɛkasɛ mɔmɔ sɛ kɛgbɛagba lɛ nu.

¹⁵ Klɛ yɛ tɛdɛdɛmɛnɔ kɛlɛ petee ba tridɛ kibelɛlɛ gɛ abaka sɛ wunɔ petee nɔ dzi batɔ tɛta elete, nɔ yɛkɛ yɛ nɛ kifusisi anɛ tɛshushuku.

¹⁶ Same eku mɛ ɛba yɛkɛ wunɔ abhaŋa nɛ kɛkanyaka mɛ.