Yox 25 - Tupanaarü Ore

Biridá nidexa

^1-2 Rü Biridá rü nüxü̃ nangãxü̃ rü ñanarügü: —Tupanaarü pora rü poraãcü naxãũcüma. Rü nüma ya Tupana nixĩ i mea namaxã inacuáxü̃ i guxü̃ma i daxũguxü̃ i naanewa ngẽxmagüxü̃.

³ Rü ngẽma nax namuxũchixü̃ i norü churaragü, rü taxucürüwa texé tayaxugü. Rü norü omü rü guxãétügu nabáxi.

⁴ ¿Rü wüxi i duü̃xü̃ rü ñuxãcü tá Tupanape̱xewa nügü nixu nax nangearü pecaduã́xü̃? ¿Rü wüxi i duü̃xü̃ i wüxi ya ngexewa buxü̃ rü ñuxãcü tá nügü nixu nax nataxuxũma i norü chixexü̃?

⁵ Rü Tupanape̱xewa rü ngẽma tauemacüarü ngóonexü̃ rü tama Tupanaarü ngóonexü̃maxã nawüxigu. Rü woo ya yimá ẽxtagü rü tama Tupanaarü ngóonexü̃maxã nawüxigu.

⁶ Rü yexera i wüxi i duü̃xü̃ rü Tupanape̱xewa rü taxuxü̃ma i mexü̃ nawa nangẽxma. Rü ñoma wüxi i õxmi i taxuwama mexü̃rüxü̃ nixĩ —ñanagürü ga Biridá.