Wiyaegü 43 - Tupanaarü Ore

Choxü̃́ nangúchaü̃ nax Tupanapatawa changuxü̃

¹ Pa Tupanax ¡mea choxü̃ nangugü! ¡Rü chauétüwa nachogü nape̱xewa i ñaa duü̃xü̃gü i tama yaxõgüxü̃! ¡Rü naxme̱xwa choxü̃ ínanguxuchixẽxẽ i ngẽma idorata̱xáxü̃ rü ngẽma chixexü̃gu rüxĩnüxü̃!

² Erü cuma nixĩ i chorü Tupana i chorü poxü̃ruxü̃ quixĩxü̃. ¿Rü tü̱xcüü̃ i cugüna choxü̃ cuyáxü̃guxẽxẽxü̃? ¿Rü ta̱xacüca̱x i ngechaü̃ chingeechaxü̃ rü ngẽma chorü uanügü rü chixri chomaxã nachopetü?

³ ¡Rü ẽcü cha̱u̱xca̱x nangóonexẽxẽ nax nüxü̃ chacuáxü̃ca̱x i ngẽma curü ore i aixcüma ixĩxü̃ nax ngẽma ngóonexü̃ rü ngẽma curü ore choxü̃ nüxü̃ cua̱xẽxẽxü̃ca̱x i ngẽma nama ya yima curü ma̱xpǘne ya üünenewa nadaxü̃ i ngextá cuma ícungexmaxü̃wa!

⁴ Rü ngẽmaãcü tá nawa changu i ngẽma curü ãmarearü guruxü̃, Pa Tupanax. Rü ngéma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãẽmaxã choxü̃ cunapaxẽxẽ.

⁵ ¿Rü ñu̱xma rü ta̱xacüca̱x tá nüxü̃ charüxoxü̃? ¿Rü ta̱xacüca̱x tá ichaxoégaãẽxü̃? Erü choma rü marü Tupanaaxü̃́ chayaxõ rü yimáxü̃ tá nixĩ i chicua̱xüxü̃xü̃. Rü nüma nixĩ i chorü Tupana i chorü maxẽẽruxü̃ yixĩxü̃.