Wiyaegü 133 - Tupanaarü Ore

Wüxi i taãxẽ nixĩ ega Tupanaarü duü̃xü̃gü nügü ngechaü̃gügu

¹ Dücax, poraãcü namexẽchi i ngẽxguma ngẽma Tupanaarü duü̃xü̃gü rü aixcüma wüxigu nügü nangechaü̃gügu.

² Erü ngẽxguma ngẽmaãcü nügü nangechaü̃gügu rü taãxẽ tüxna naxã ñoma pumara i yixichixü̃ i namaxã chacherdótegüxü̃ nabaerugüxü̃ ñu̱xmata naxchinagugu rü naxchirugu irüyaexü̃rüxü̃.

³ Rü ñoma cherena ya ma̱xpǘne ya Ermóü̃étügu nguxü̃rüxü̃ rü ma̱xpǘne ya Chióü̃étügu nguxü̃rüxü̃ tüxü̃ nataãẽxẽxẽ. Rü Chióü̃wa nixĩ i ne naxũxü̃ i Tupanaarü ngü̃xẽxẽ nax namáxü̃ca̱x i norü maxü̃ i norü duü̃xü̃gü.