Wiyaegü 130 - Tupanaarü Ore

Cori ya Tupanaxü̃́ tayaxõgü

¹ Rü ñu̱xma nax taxü̃ i guxchaxü̃gü chauétüwa ngẽxmaxü̃, rü curü ngü̃xẽẽca̱x íchaca̱xama, Pa Cori Pa Tupanax.

² ¡Rü choxü̃́ nüxü̃ naxĩnü i chorü yumüxẽ, Pa Cori Pa Tupanax, rü choxü̃ nangãxü̃ namaxã i ngẽma tagaãcü naxca̱x íchaca̱xaxü̃!

³ Pa Cori Pa Tupanax, ngẽxguma chi nüxü̃ cudawenügu i ngẽma chixexü̃gü i cupe̱xewa taxüxü̃ ¿rü texé chi cupe̱xewa tame?

⁴ Natürü i cumax rü toxü̃́ nüxü̃ icurüngüma i ngẽma torü chixexü̃gü i cupe̱xewa taxüxü̃ nax ngẽmaãcü cuxü̃ ticua̱xüü̃güxü̃ca̱x.

⁵ Rü guxü̃ma i chorü maxü̃maxã cuxü̃ íchanangu̱xẽxẽ, Pa Corix, rü nagu chayaxõ i curü ore.

^6-7 Choma rü ñoma dauxü̃taegüxü̃ i ngóonexü̃ ínangu̱xuxẽẽgüxü̃arü yexera cuxü̃ íchanangu̱xẽxẽ, Pa Cori Pa Tupanax. Rü Pa Iraéanecüã̱xgüx, rü ngẽma dauxü̃taegüxü̃ i ngóonexü̃ ínangu̱xuxẽẽgüxü̃rüxü̃ rü name nixĩ i ípenangu̱xẽxẽ i norü ngü̃xẽxẽ ya Cori ya Tupana. Erü nüma rü tüxü̃ nangechaü̃ rü tüxü̃ ínanguxü̃xẽxẽ naxme̱xwa i tórü uanügü.

⁸ Rü nüma tá nixĩ i Iraétanüxü̃xü̃ ínanguxü̃xẽxẽxü̃ i guxü̃ma i norü chixexü̃güwa.