Wiyaegü 128 - Tupanaarü Ore

Cori ya Tupanaarü ngü̃xẽxẽchiga

¹ Rü cutaãxẽ i cumax erü nüxü̃ quicua̱xüxü̃ ya Cori ya Tupana rü naga cuxĩnü

² Rü cuma rü tá cunangõ̱x i ngẽma curü puracüwa ne ũxü̃ i cunetüarü o. Rü tá cutaãxẽ rü mexü̃ tá cuxü̃ naxüpetü.

³ Rü cupatawa ícungexmaxü̃wa rü cuxma̱x rü tá itaãxẽ. Rü ñoma wüxi i úba i oxochixü̃rüxü̃ tá nimu i cuxacügü. Rü ñoma oribuchacüxü i ngexwaca rüxügüxü̃rüxü̃ tá naporae i ngẽma cuxacügü i curü mechacüwawa rütogüxü̃.

⁴ Rü ngẽmaãcü Tupana tá nüxü̃ narüngü̃xẽxẽ ya yimá duü̃ ya Tupanaxü̃ ngechaü̃cü.

⁵ ¡Rü Cori ya Tupana ya Chióü̃gu ãpatacü cuxü̃ rüngü̃xẽxẽ! ¡Rü Tupana cuxü̃ rüngü̃xẽxẽ nax guxü̃ma i curü maxü̃gu nüxü̃ cudauxü̃ nax ñuxãcü nüma ya Tupana Yerucharéü̃xü̃ nangü̃xẽxẽxü̃!

⁶ ¡Rü Tupana cuxü̃́ nama̱xẽxẽ i curü maxü̃ nax ngẽmaãcü nüxü̃ cudauxü̃ i cutaagü! ¡Rü Tupana tüxü̃ rüngü̃xẽxẽ nax nua Iraétanüwa nangẽxmaxü̃ i taãxẽ rü tórü uanügü tama tüxü̃ chixewexü̃!