Wiyaegü 127 - Tupanaarü Ore

Tupanawa ne naxũ i guxü̃ma

¹ Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü natüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱u̱xgu ya wüxi ya ĩane rü natüca̱xmamare chi nixĩ i nüxna nadaugüxü̃ i ngẽma norü dauruü̃gü.

² Rü taxuwama name ega texé puracügu tügü ima̱xgu ñu̱xmata üa̱xcü tüxü̃ yarüxücumare nax ngẽmaãcü ngúxü̃ tingeãcüma tüxü̃́ nangẽxmaxü̃ i tümaarü õna. Erü yíxema norü duü̃xü̃gü ixĩgüxe rü Tupana tüxna nanaxã i ngẽma tüxü̃́ taxuxü̃ woo ítapeeyane.

³ Rü ngẽma taxacügü rü wüxi i ngü̃xẽxẽ i taxü̃ ya Tupana tüxna ãxü̃ nixĩgü.

⁴ Rü ngẽma tonegü i ngextü̱xügutama tüxü̃́ ngẽxmagüxü̃ rü tórü poxü̃ruü̃gü nixĩgü ñoma wüxi i churaragüne rü norü poxü̃ruxü̃ yixĩxü̃rüxü̃ nixĩgü.

⁵ Rü nataãxẽ ya yimá duü̃ ya muxacücü erü ñoma namuxnexüchixü̃rüxü̃ nixĩ. Rü ãẽ̱xgacüpe̱xewa taxũtáma naxãne ega norü uanümaxã nügü ínaxuaxü̃gügu.