Wiyaegü 126 - Tupanaarü Ore

Toma nax to i nachixü̃anewa tagagüxü̃ rü tanaxwa̱xe i toxü̃ cuwoeguxẽxẽ

¹ Rü yexguma Tupana Chióü̃ca̱x tüxü̃ woeguxẽẽgu rü taxca̱x rü ixanegüexü̃rüü̃mare nixĩ.

² Rü yexguma ga yixema rü tórü taãẽmaxã tacugüe rü aita taxüe. Rü yemaca̱x ga yema tama Tupanaaxü̃́ yaxõgüxü̃ rü ñanagürügü: —Nüma ya Cori ya Tupana rü taxü̃ i mexü̃ naxca̱x naxü i ngẽma norü duü̃xü̃gü —ñanagürügü.

³ Rü aixcüma Cori ya Tupana rü taxü̃ i mexü̃ taxca̱x naxü rü ngẽmaca̱x poraãcü tataãẽgü.

⁴ Natürü, Pa Corix, nangẽxma i tomücügü i ñu̱xma rü ta to i nachixü̃anegüwatama ngẽxmagüxü̃. Rü tanaxwa̱xe nax ngẽma rü ta Yerucharéü̃ca̱x cunawoeguxẽẽxü̃ nax nümagü rü ta nataãẽgüxü̃ca̱x ñoma paanexü̃ i pucümaxã taãẽxü̃rüxü̃.

⁵ Rü yíxema auxãcüma toegüxe rü taãẽãcüma tanayaxu i tümanetüarü o.

⁶ Rü yíxema auxãcüma yangéxpüü̃xe i tümaarü nanetüchire nax tayatoxü̃ca̱x rü ngẽxguma yaxo̱xgu rü tayabuxgügu i tümaarü nanetü rü wiyaeãcüma tá ítayangexpüü̃xü̃ i muxũchixü̃ i tümaarü nanetüarü o.