Wiyaegü 125 - Tupanaarü Ore

Tupana rü norü duü̃xü̃güna nadau

¹ Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

² Rü yima ĩane ya Yerucharéü̃ ya ma̱xpǘnegümaxã íxümaeguãchine, rü ngẽxgumarüxü̃ ta i nüma ya Cori ya Tupana rü guxü̃gutáma norü poramaxã ínanapoxexü̃ i norü duü̃xü̃gü.

³ Rü ngẽma chixecümaxü̃ i ãẽ̱xgacü rü taxũtáma guxü̃gu duü̃xü̃gümaxã inacuáecha nawa i ñaa naane ya Tupana norü duü̃xü̃güxü̃ nagu namugüxü̃. Erü nüma ya Tupana rü tama nanaxwa̱xe nax norü duü̃xü̃gü nagu maxẽxü̃ i nacüma i ngẽma chixexü̃ i duü̃xü̃gü.

⁴ Pa Corix ¡nüxü̃ rüngü̃xẽxẽ i ngẽma duü̃xü̃gü i mea maxẽxü̃ rü aixcüma mexü̃gu rüxĩnüexü̃!

⁵ Natürü ngẽma duü̃xü̃gü i chixexü̃ i nacümagu ĩxü̃ ¡rü poxcu namaxã naxuegu! Erü ngẽmatama nixĩ i woetama naxca̱x ixĩxü̃ i ngẽma chixexü̃ ügüxü̃. ¡Rü Iraétanüxü̃na naxã i taãxẽ!