Ichaía 12 - Tupanaarü Ore

Wiyaegü i namaxã Cori ya Tupanaxü̃ yacua̱xüü̃güxü̃

¹ Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

² Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

³ Rü pema rü tá taãẽãcüma nawa pexaxegü i ngẽma dexá i maxü̃ tüxna naxãxü̃.

⁴ Rü ngẽxguma rü tá ñaperügügü: —¡Moxẽ nüxna pexã rü nüxü̃ picua̱xüü̃gü ya Cori! ¡Rü to i nachixü̃anegümaxã nüxü̃ pixu i ngẽma mexü̃ i pexca̱x naxüxü̃! ¡Rü nüxna pecua̱xãchie nax nüma yixĩxü̃ i guxãétüwa nangẽxmaxü̃!

⁵ ¡Rü Cori ya Tupanaca̱x pewiyaegü! Erü nüma rü taxü̃ma i mexü̃ taxca̱x naxü rü ngẽma mexü̃ i taxca̱x naxüxü̃ rü nüma nanaxwa̱xe nax guxü̃ma i ñoma i naanewa i duü̃xü̃gü rü nüxü̃ nacua̱xgüxü̃.

⁶ ¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.