Zacarias 4 - Tagbanwa

⁶ Ituy ampang it AMPUꞌANG DIYUS nga miyabut situt aken nga si Zacarias, nga ipiyasugid ya it esang anghil. Maat i inaat, “Ituy ipagsugid it AMPUꞌANG DIYUS it ki Zorobabel, ‘Makapatabus muy kaꞌilangan mu nga buwaten, ega sabap it sadili mi nga keseg u kakayaan, in daꞌga sabap lamang it tabang it Espiritu Santo ku, aku nga AMPUꞌANG DIYUS nga landaw nga gunaan.

⁷ Maski may ipagpalsa nga atnat bukid i kadakulaꞌ, letga-letganan mu yan nga maꞌawaꞌ. Talagang emanen mu i pabwat it Templo ngaytu baw in ikabit na i kiyaꞌpusan mana nga ipagpapaꞌgen nga batu, pabiba na i mga taw nga ipaggaꞌu-gaꞌuy nira, “Sana ildawan tu nga pirmi it Ampuꞌang Diyus.”’”

⁸ Bawnga miyabut siꞌ situt aken i ampang it AMPUꞌANG DIYUS nga magꞌaat,

⁹ “Si Zorobabel i nagpapuꞌun it patindeg it Templo ngaytu baw talagang ipabaraꞌ ku nga makapaꞌman ya naga. Sikayan matanyag nga aku nga AMPUꞌANG DIYUS nga landaw nga gunaan i nagtaꞌeg it imu nga sumugid it mga itu ngaytu.”