Nehemias 8 - Tagbanwa

¹ binwat nira, namagtingped sira nga muꞌsa duꞌun it Jerusalem. Duꞌun sirat maꞌyag nga bagiꞌ it siyudad nga kat seled nga ayun it pagpangaranan it Puwirtaꞌan it Danum. Iyan natingped na, inangut nira duꞌun it ki Esdras nga pisiꞌen ya baw basaen duꞌun it kanira i mga urdin it AMPUꞌANG DIYUS nga ipiyaskel yat mga Israelita kat timpu ni Moises. Si Esdras ngayti, esang sasirduti baw manigpanulduꞌ it mga urdin ngayti.

² Aypaꞌ, kat uꞌnang aldaw it ikapitu ngayting bulan, pinsiꞌ ni Esdras i pagsusuratan it mga urdin ngayti. Tiyaban ya duꞌun it namagtingped ngayti nga babay, lalaki, baw pati mangaꞌwaꞌ nga kumpur makasepsep na.

³ Garing it minyag na, inabut it kaꞌugtu, sigi nga basa ni Esdras it mga urdin ngayti duꞌun it sarungaan it kadakel ngayti nga namagtingped duꞌun it maꞌyag ngayti nga kat seled nga ayun it Puwirtaꞌan it Danum. Muꞌsa ngayti, mamagpagneg it magayen.

⁵ Magkaltegan si Esdras it kadakel ngayti ka madibwa-dibwat i kanya nga pagtitindegan. Timnindeg i muꞌsa ngayti nga taw iyan biyukaꞌ nay pagsusuratan it mga urdin ngayti.

⁶ Pagkabukaꞌ ni Esdras, maat ya, “Bantugun i AMPUꞌANG DIYUS, kanya nga landaw nga gunaan.” Kadakel ngayti, namagpatindeg it alima baw maat nira, “Kamatuudan tu. Kamatuudan tu.” Bawnga nagsamba sira it AMPUꞌANG DIYUS it mamagsusuꞌsub.

⁸ Bawnga biyasa it mga Levita i mga urdin it Ampuꞌang Diyus baw ipiyaꞌyag nira it magayen isaꞌun masepsepan it mga taw i pagpapuntuꞌan.

¹² Iyan natupus na, masasagya i kadakel ngayti nga miyuliꞌ. Nagkaraꞌnen-karaꞌnen sira baw biyagiꞌan nira it pangaꞌen i beken nga egay tantu-tantu it kanira. Talagang dakulay kasagyaan nira nga muꞌsa sabap it nasepsepan nira i mga ipiyaꞌyag ngayti it kanira.