Nehemias 10 - Tagbanwa

³⁰ Maat i ipiyagsurat nga sanggup namen, ‘Ega palugtan namen nga makaꞌasawa u asawaen i mga anak namen it mga anak it mga beken nga bangsa nga mamagtataꞌid kat rugar namen.

³¹ In tumaban i mga dayuꞌan it tirigu u maski unu nga paninda in Aldaw it Kapaꞌnaan u mga beken nga aldaw nga ipagpabetang nga ega basta-basta, daꞌkami malang it paninda nira ngaytu. Kada ikapitu nga taꞌun, ega luwakan namen i mga pagluwakan namen, baw puwasen na lamang i mga paꞌutang namen.

³² Ipagsanggup namen gasiꞌ nga kada taꞌun magbegay i kada esat amen it piyagꞌupakatan nga pirak, nga ipagtabang it buwaten it Ampuꞌan Diyus duꞌun it Templo.

³⁵ Kada taꞌun tumaban kami it ipagpasalamat duꞌun it Templo nga mga uꞌnang magkakayeg duꞌun it uma namen, baw mga uꞌna gasiꞌ nga magkaranas nga buwaꞌ it mga kayu nga luwak namen.

³⁶ Tabanen namen gasiꞌ duꞌun it mga sasirduti nga manigsirbi duꞌun it Templo it Ampuꞌang Diyus namen i mga anak namen nga panganay nga lalaki, ka ipasiguru duꞌun it Ampuꞌang Diyus nga kanya na. Ibgay namen gasiꞌ i mga panganay nga anak it bakaꞌ, tupa, baw kat kambing namen, uyun kat inaat it urdin.

³⁷ Tumaban kami gasiꞌ duꞌun it mga darawaꞌan nga seled nga duꞌun it Templo baw megay duꞌun it mga sasirduti it tinmek nga arina nga garing kat uꞌnang kiyayeg nga tirigu namen. Megay kami gasiꞌ it uꞌnang buwaꞌ it mga luwak namen nga kayu, baw uꞌnang buwaten namen nga pagꞌimnun baw lana. Ipagsanggup namen gasiꞌ nga megay kami it ikasang puluꞌ nga bagiꞌ it muꞌsang piyatbasan namen. Ibgay namen duꞌun it mga Levita duꞌun it kada lansangan namen, nga siray riyumraan nga tumanggap it mga iti ngayti.

^39c Talagang ega pataꞌnan namen na lamang i papagsambaan namen nga balay it Ampuꞌang Diyus namen.’”