Josue 5 - Tagbanwa

Mindek na it abut i manna ngayting pangaꞌen nga maggaring duꞌut langit

¹⁰ Iyan duꞌun paꞌ ngayti it Gilgal nga duꞌun it daranasan it Jerico i mga Israelita ngayti, binwat nira siꞌ i Pistaꞌ it Tiyaꞌliban it ikasang puluꞌ may epat nga aldaw it uꞌna ngayting bulan.

¹¹ Pagkatiwas it pistaꞌ ngayti, pagꞌaldaw siꞌ, kimnaꞌen na sira it mga pangaꞌen nga napisiꞌ na nira duꞌun kayti, siyanglag nga tirigu baw tinapay nga egay ipagpaꞌalsa.

¹² Desang nakakaꞌen na sirat pangaꞌen nga magkapisiꞌ duꞌut iting banwa, mindek nay abut it manna ngayti nga garing duꞌut langit. Aypaꞌ garing it iting taꞌun, pangaꞌen nang magkapisiꞌ duꞌun it Canaan ngayti i pamagkaꞌnen nira.