Josue 23 - Tagbanwa

Pan-gun ni Josue

¹ Naꞌlay talaga nga timpu garing it ipiyasakep it AMPUꞌANG DIYUS it mga Israelita i banwa ngaytit Canaan, daꞌsira pagsasawun it mga kalaban nira kat linibut nira nga mga rugar. Kat iting timpu talagang gurang na nga gurang si Josue ngayti.

² Ta, it atkayti na kanya, tiningped ya i muꞌsang mga may katengdanan duꞌun it mga Israelita, mga ginuꞌu, mga pagbayaꞌen it kada kuyunan, baw mga manigpamaalaꞌ it kada kanya-kanyang kabagiꞌan nga rugar. Iyan natingped na maat ya it kanira, “Kayti, matuud nga gurang aku naytu.

³ Talagang nagpasar kat mata mi i muꞌsang ipiyaꞌabut it AMPUꞌANG DIYUS mi kat muꞌsang mga datiyan nga bangsa situ. Ka daꞌga baꞌ, AMPUꞌANG DIYUS mi ngaytu, kanya i timnabang it imyu it magpakibunuꞌ isaꞌun mandaꞌeg kamu?

¹⁴ Talagang daꞌku naytu paꞌlayen. Temed, kamu ngaytu nga muꞌsa, daꞌga baꞌ magkapamatuud talaga it nakem mi nga tiyuman nat AMPUꞌANG DIYUS mi i muꞌsang kagayenan nga isiyanggup yat imyu it tagnaꞌ? Natanggap mi nay muꞌsa nga isiyanggup ya ngayti. Egay maski esa nga daꞌga tiyuman ya.

¹⁵ Temed, yay matuud, in magꞌuꞌunu tiyuman ya i muꞌsang kagayenan nga isiyanggup yat imyu, atkayan naga, siguradu nga tumanen ya i muꞌsang panriga nga isiyanggup ya gasit imyu seked it talagang mapuuꞌ ya kamung muꞌsa situt banwa ngaytu.

¹⁶ Eeꞌ baꞌ, basta ega sunudun mi i pakiꞌupakat it imyu it AMPUꞌANG DIYUS mi, ka sumamba kamu baw magsirbi it mga pagbete-beteꞌen nga diyus, talagang maꞌangut mi yan i iseg it AMPUꞌANG DIYUS. Ta, baraꞌan mi kayan, yanayan, egay pagduwa-duwa nga mapuuꞌ kamung muꞌsa situt banwa ngaytu nga ibinggay yat imyu, banwa ngaytu nga bastanti i muꞌsa.”