Jeremias 23 - Tagbanwa

Esa gasiꞌ nga paꞌrut it Ampuꞌang Diyus pasar it ipatindeg nga Manriribri

⁵ “Kat pagdadarapaꞌen nga timpu,” maat it AMPUꞌANG DIYUS, “pabaraꞌen ku nga may limiꞌwan kat kaduguꞌ-duguꞌan it adiꞌ nga si David nga esa nga mataldeng kat panleteg ku. Rumraan ku kanya kat pagkaꞌadiꞌ baw manggayen nga banar i pagꞌadiꞌ ya. Kat muꞌsang rugar pangukuman nga mataldeng baw purus tamaꞌ i ipapanaw ya.

⁶ Kat timpu it pagꞌadiꞌ ya ngaytu maꞌawaꞌ i muꞌsang ipagkagulu it mga taga Juda, baw maꞌimbeng nga magpangaꞌgenan i bangsa ngaytu nga Israel. Baw itu i ipangaran it kanya, ‘AMPUꞌANG DIYUS nga pagpanggaringan it kataldengan tami.’”

⁷ Pagꞌaaten it AMPUꞌANG DIYUS, “Mabut talaga i timpu nga, iyan mga taw, ega na manumpa nga magꞌaat, ‘Pagdedngegen aku it AMPUꞌANG DIYUS, kanya nga nagribri it bangsa ngaytu nga Israel kat pagkaꞌuripen nira duꞌun it Egipto.’

⁸ In daꞌga maat yan nira nga pagdedngegen sira it AMPUꞌANG DIYUS nga nagribri it mga tungtung-inapuꞌ ni Israel garing duꞌun it alaid nga banwa nga ayun kat nurti, baw garing kat muꞌsang rugar nga tiyabanan it kanira, iyan ipiyabaraꞌ ku nga nadakepan sira. Ka kaꞌuliꞌ naga sira kat sadili nira nga banwa baw mangaꞌgenan siꞌ it sumaꞌup duꞌun.”