Jeremias 22 - Tagbanwa

²⁴ Ta, it atkayti, ituy inaat it AMPUꞌANG DIYUS, “Aku nga AMPUꞌANG DIYUS nga egen it egay kaskedan i magꞌampang kaytu. In beteꞌ ikaw, Joaquin, nga anak it adiꞌ it Juda nga si Joaquim, siꞌsing ku nga pamimirmaꞌ ku, apluꞌun ku ikaw kat tutulduꞌ ku.

²⁵ Egay pagduwa-duwa nga ibgay ku ikaw kat mga kuꞌimatay it imu, duꞌun it mga taw nga pagꞌiꞌlaman mu nga banar, duꞌun it ki Nabucodonosor nga adiꞌ it Babilonia, baw duꞌun it mga sundaluꞌ ya nga mga Caldeo.

²⁶ Ipabuntal ku kamu magꞌinaꞌ duꞌun it lekat na nga banwa nga ega nalusadan mi, baw duꞌun na i patayan mi nga duwa.”