Isaias 66 - Tagbanwa

²² Maat pay inaat it AMPUꞌANG DIYUS, “Baw in magꞌuꞌunu ega nay karanggaꞌan it baꞌgung langit baw baꞌgung banwa nga gunaen ku, atkayan naga nga maneꞌteꞌ it egay kaskedan i mga kamatuudan nga taawan ku baw mga tungtung-inapuꞌ nira.

²³ Kat iting timpu, kada Aldaw it Kapaꞌnaan baw Pistaꞌ it Baꞌgung Bulan, muꞌsang bangsa, patpad it aken nga sumamba sira kat adapan ku.

²⁴ Pagpanliꞌwan nira duꞌun it papagsambaan, lumanggang na sira it mga pagrigaen ku na nga mga miyatay nga kimnuntraꞌ it aken. Iyan reetat ulud nga mamagkaꞌen it kanira, ega magpata-patay. Atkayan naga i apuy nga talpakan it kanira, ega magpamu-pamugdaw. Talagang, kabetangan nira, maraꞌway na nga ereꞌeret nga pagletganan it masigkataw nira.”