Isaias 5 - Tagbanwa

Kaꞌalimbawaan it kalulwakan nga ubas

¹ Kayti, kumantaꞌ aku na duꞌun it kanya nga pagmaꞌalen ku, kumantaꞌ aku it itung kantaꞌ pasar it kalulwakan ya nga bulun nga ubas, “Duꞌun it esang mungsuꞌ nga magayen nga banar i lugtaꞌ, linwakan it pagmaꞌalen ku ngaytu it bulun nga ubas.

² Inaradu ya it magayen baw inawaꞌan it batu, bawnga linwakan ya i sikayti nga rugar. Piyakamagayen nga lulwaken nga ubas i ilinwak ya. Nagbuwat kanya it ipiyaꞌabwat ya nga tatandaꞌan, baw nagbuwat paꞌ it kikilangan. Bawnga inlatan ya nay muwaꞌ baw mangiꞌnug, temed simnalaꞌ, pagranas ya, purus maꞌaꞌagsem.”

³ “Ta kayti,” maat it Ampuꞌang Diyus, “kamu nga taga Jerusalem baw taga beken nga rugar nga sakep it Juda, betanganan mi kami nga duwa it ukuman, aku baw kalulwakan ku ngaytu.

⁴ Unu paꞌ i mapakay nga buwaten kat kalulwakan ku ngaytu nga subraꞌ paꞌ it nabwat ku? Ta, it buwaꞌ it ubas nga atnang taꞌmis i pagpaꞌbutun ku, arit atnang kaꞌaꞌagsem!

⁵ Aypaꞌ kayti, itu i dapat ku nga buwaten kat kalulwakan ku ngaytu it ubas. Rayangan ku na talaga it alad, baw pataꞌnan ku na nga pamuꞌpuꞌun i mga buwaꞌ ya baw maleꞌes-leꞌes it katetegday.

⁶ Pataꞌnan ku lamang nga lemsen it ilamunun. Abir ku nga mamagkiyep-kiyep mana it dikut, ega na riꞌnge-riꞌngen ku. Maski siprung, ega siprungan ku it mga sanga-sanga baw daꞌun. Ega na talaga awanan ku i mga puꞌun nira. Baw pati kunum, sekaten ku nga ega iꞌuran.”

⁷ Bangsa nga Israel i paꞌaaten ngaytu nga kalulwakan nga bulun nga ubas nga ilinwak it AMPUꞌANG DIYUS nga landaw nga gunaan. Mga taga Juda i paꞌaaten nga ega basta-bastang kalulwakan nga pagdiyu-diyuun ya it magayen. Talagang pagꞌeꞌlaten ya i magagayen nga buwaꞌ kat pangaꞌgenan nira, nga kamatuudan nga kataldengan i ipapanaw nira, arit mangingimatay gat masigkataw. Pagꞌiꞌinawaren ya i adat nga purus magayen temed unuka manuꞌan it magpangari-ari panganin-anin it mga pagpakuriꞌan nira.

²⁴ Talagang in magꞌuꞌunu magpangimpus i tiyaꞌbas in tuꞌug na nga tuꞌug, atkayan i mabetangan nira. Makasbung sira it luwak nga raꞌmuk nay mga gamut baw ipagperad na i burak ka tuꞌug na. Mabut i muꞌsa ngaytu sabap siyutilan na niray mga urdin it AMPUꞌANG DIYUS nga landaw nga gunaan, baw tinibabaꞌ niray ampang it Ega Babasta-bastaen nga Ampuꞌang Diyus it bangsa nira nga Israel.