Isaias 49 - Tagbanwa

Ega lamang kat ikagayen it bangsa nga Israel i buwat it ipatindeg nga Manriribri, in daꞌga kat mga beken nga bangsa gasiꞌ

⁶ Maat it Ampuꞌang Diyus it aken nga manigsirbi ya, “May subraꞌ paꞌ nga mabantug nga ipabwat kut imu, puyra it papaꞌuliꞌen mu ngaytu i mga ipiyaꞌped ku nga mga tungtung-inapuꞌ ni Jacob, nga bangsa nga Israel. Ipatindeg ku ikaw nga bilang tidaw it mga taw nga ega kat bangsa nga Israel, ka maꞌyagan mu i muꞌsang taw situt sinirungat langit pasar it dalan it karibriyan nga gumaring sinit aken.”