Genesis 49 - Tagbanwa

Pagpatay ni Jacob, ilimbeng kanya duꞌun it Canaan

²⁹ Piyan-gunan na ni Jacob i mga anak ya. Maat ya, “Itu, matay aku na. Kupatiꞌmes aku na duꞌut mga kagiyaringanan ku. Duꞌun nagay lebngan mi it aken it limbengan it mga kagiyaringanan ku, nga duꞌut kubkub nga duꞌut lugtaꞌ ni Efron ngayang Heteo.

³⁰ Kubkub ngayan, duꞌun it rugar nga pagpangaranat Macpela nga adeꞌdeng it lansangan it Mamre nga duꞌun nagat Canaan. Inalang nagayan ni Apuꞌ nga si Abraham duꞌut ki Efron ngayting Heteo ka binwat ya nga sadili ya nga kalelbengan.

³¹ Sikayti i limbengan it kanya baw asawa ya nga si Sara. Duꞌun nagayan i limbengan it mga apuꞌ mi ngaytung duwa, si Isaac baw si Rebeca. Daꞌga basaꞌan duꞌun gasiꞌ i limbengan ku it ki Lea?

³² Itu nga lugtaꞌ baw kubkub, naꞌalang nagaytu duꞌut mga Heteo.”

³³ Pagkapan-gun ya it muꞌsa ngayti, nagpabuntul na kanyat pagayen-gayen duꞌut irigaꞌan ya. Langkuy biyugtuꞌan na kanyat ginawa.