Exodo 30 - Tagbanwa

⁷ Maat pay beken nga ipiyagꞌurdin it AMPUꞌANG DIYUS, “Kada kadedelman, manteng si Aaron it kamangyan duꞌun in arigraen yay mga tidaw.

⁸ Atkayan nagay buwaten ya in delem na, pagpagket it mga tidaw, manteng siꞌ it kamangyan. Kaꞌilangan nga aldaw-aldaw seked it magtungtung-magꞌinapuꞌ, atkaytu nay pagbuwaten nga may antengen nga kamangyan duꞌun it adapan it AMPUꞌANG DIYUS.

⁹ Ayaw kamut anteng duꞌun it itung papangantengan it kamangyan nga belag kat ipiyagꞌaat ku. Ega antengan mi it belag nga bagay in daꞌga kamangyan lamang.

¹⁰ Kaꞌsa it sang taꞌun, in buwaten ni Aaron i buwat nga ipagꞌangut it kapasinsiyaan it kasalaꞌan it muꞌsang mga Israelita, paꞌidan ya i pati epat nga tanduk it papangantengan ngaytut kamangyan, nga paꞌidan ya it duguꞌ it isiyalisi ngayan nga ramu-ramu. Kaꞌilangan, buwaten mi tu seked it magtungtung-magꞌinapuꞌ. Sabap papangantengan ngaytu, egaytu babasta-bastaen baw nakasiguru nga kat AMPUꞌANG DIYUS lamang.”