Esdras 4 - Tagbanwa

Kiyuntraꞌ it mga kalaban nira i buwat nira ngayti nga magpatindeg it baꞌgung Templo

¹ Ta, ega naꞌlay, nabaritaꞌan it mga kalaban it mga miyuliꞌ ngayti nga kat mga kuyunang mga tungtung-inapuꞌ ni Juda baw ni Benjamin nga mamagpatindeg na sira it Templo it AMPUꞌANG DIYUS it bangsa nira nga Israel.

² Aypaꞌ ka, binwat it mga kalaban ngayti, naꞌaduꞌun it ki Zorobabel baw duꞌun it mga ginuꞌu it mga kuyunan ngayti ka nagpakiꞌupakat. Maat nira, “Tumabang kami sana it imyu it patindeg it balay it Ampuꞌang Diyus mi. Ka tutal, kami ngaytu, pagsambaen namen gasiꞌ kanya, baw pagꞌantengan namen naga it ipagsamba, garing paꞌ it pagtaban it amen situ ni Esarbadon nga adiꞌ it Asiria.”

³ Temed katubag it kanira si Zorobabel, si Jesua, baw mga ginuꞌu ngayti it mga kuyunan, “Ayaw kamut pasilabet it amen ngaytu nga magpatindeg it balay it Ampuꞌang Diyus namen. Kaya namen tu nga buwaten i Templo ngaytu it AMPUꞌANG DIYUS it bangsa namen nga Israel. Kami ngaytuy piyakarguꞌan it buwaten ngaytu, uyun kat urdin it amen it adiꞌ it Persia nga si Ciro.”

⁴ Ta, sabap it atkayti, binwat it mga kalaban ngayti nga palaꞌnusun i tuꞌlang baw paiꞌlamen i mga taga Juda baw taga Benjamin, isaꞌun mapdekan nira i Templo ngayti nga pagbuwaten.

⁵ Binwat nira, timnangdan it pira nga mga taawan it adiꞌ nga sumarit kuntraꞌ it mga Israelita isaꞌun ega maꞌman i Templo ngayti nga pagbuwaten nira. Ipiyasigi nira i buwat nira ngayting atkayti kaꞌlay it pagꞌadiꞌ ni Ciro, ipiyaꞌabut na nira it si Dario nay adiꞌ.

²⁴ Aypaꞌ ka napdekan i Templo ngayti nga papagsambaan nirang balay it Ampuꞌang Diyus nga pagbuwaten duꞌun it Jerusalem. Napdekan seked it ikadwang taꞌun it pagꞌadiꞌ ni Dario.