Deuteronomio 34 - Tagbanwa

¹ Garing duꞌun it daranasan it Moab, nanungul si Moises duꞌun it Bukid it Nebo, nga miyalabag nga bagiꞌ it Bukid it Pisga, nga kat lebatan nga ayun it siyudad it Jerico. Duꞌun it siyagpawan ngayti, ipiyalteg it AMPUꞌANG DIYUS it ki Moises i kapuꞌsaan it banwa ngayting isiyanggup ya, garing duꞌun it Galaad seked duꞌun it Dan.

² Kapuꞌsaan it Neftali, rugar it Efraim baw Manases, kapuꞌsaang rugar it Juda seked it dagat nga duꞌut sedpan,

³ rugar it Negeb baw muꞌsang daranasan nga garing duꞌut Zoar seked duꞌut Jerico, nga Siyudad it mga Palma.

⁴ Inaat kanyat AMPUꞌANG DIYUS, “Iyan i banwa ngayan nga isiyanggup ku it mga kagiyaringanan mu nga si Abraham, si Isaac baw si Jacob, subliyen it mga tungtung-inapuꞌ nira. Ipiyalteg kuytu it imu temed daꞌka na kaꞌbut duꞌun.”

⁵ Ta, si Moises ngayti nga manigsirbi it AMPUꞌANG DIYUS, duꞌun nay piyatayan ya it banwa nga Moab, uyun naga kat inaat it AMPUꞌANG DIYUS.

⁶ Ilimbeng kanya it Ampuꞌang Diyus duꞌun it daranasan it Moab, nga patuꞌ it Bet-peor. Temed seked kayti egay magkaꞌrut in ariyen talaga nga rugar i lebeng ya ngayti.

⁷ Sang gatus baw duwang pulung taꞌun i idad ya ngaytit natay, temed ega limnabu-labu i mata ya baw ega gasiꞌ rimnupuk kanya.

⁸ Tulung puluꞌ nga aldaw i kaꞌlay it pulaw it mga Israelita, nga pagsugawan nira si Moises ngayti, duꞌun it daranasan ngaytit Moab.

⁹ Ta si Josue ngayti nga anak ni Nun, talagang masepsep nga taw baw kaya ya nga mamaalaꞌ, sabap tiyapal naga kanya ni Moises, nga tandaꞌ it kanya nay sumubli. Aypaꞌ siyunud naga kanya it mga Israelita. Pagbuwaten nira i muꞌsang ipiyagꞌurdin it AMPUꞌANG DIYUS duꞌut ki Moises.