2 Mga Adiꞌ 10 - Tagbanwa1 Pitung puluꞌ nga muꞌsa i mga lalaki nga anak ni Acab duꞌun it Samaria. Piyatabanan ni Jehu it surat i mga punuꞌan duꞌun it siyudad ngayti, mga ginuꞌu, baw mga manigꞌepet it mga anak ngayti ni Acab. Magꞌaat i duꞌun it surat, 3 “Piliꞌen mi i piyakamagayen asan it mga anak ngayan ni Acab, ipaꞌdung mi kat pagkaꞌadiꞌ, bawnga rumpakan ku kamu.” 4 Temed miniꞌlam nga ereꞌeret i mga taw ngayti. Maat nira, “Bilaꞌ, unuy ateng ipatera-tera? Maski duwa ngayti nga adiꞌ, egay nabwat nira it kanya, diyaꞌeg sira. Kita nay maꞌget nga egay mabwat!” 5 Aypaꞌ tiyubag nira i surat ngayti ni Jehu nga magꞌaat, “Kami ngayni, mga manigsirbi mu. Maski unuy ireg mu, talagang buwaten namen. Egayni patindeg kami it beken nga adiꞌ nga bilang kalaban mu. Ikaw nay magpikir. Buwaten mu lamang i kumpur magayen kat panleteg mu.” 6 Bawnga piyatabanan sira siꞌ ni Jehu it surat nga magꞌaat, “In talagang kampiꞌ kamu sinit aken baw matuud nga sumunud kamu it mga urdin ku, pamunggutan mi it ulu i mga anak it agalen mi ngaytit tagnaꞌ nga si Acab baw tabanen nga muꞌsa sinit Jezreel dedelem it ega paꞌ timnaꞌlib i itu nga uras.” Pitung puluꞌ ngayti nga anak ni Acab nga mga lalaki, magꞌepet it kanira, mga bantug nga lalaki duꞌun it lansangan ngayti. 7 Pagkatanggap nira it surat ngayti, piyamunggutan na nirat ulu i muꞌsa ngayti nga anak ni Acab, bawnga iringgud nira duꞌun it baꞌay i mga ulu ka ipiyataban duꞌun it ki Jehu ngayti nga duꞌut Jezreel. 11 Talagang egay ipiyaꞌped ni Jehu nga kaꞌanakan ni Acab. Pati mga taawan ni Acab ngayti, mga iba-iba ya, baw mga sasirduti ya, piyangimatay ya nga muꞌsa. 30 Bawnga miyabut duꞌun it ki Jehu i ampang it AMPUꞌANG DIYUS nga magꞌaat, “Ta, it siyunud mu i kaꞌirgan ku nga puuꞌun i kaꞌanakan ni Acab, gumaring kat kaꞌanakan mu i magꞌadiꞌ it bangsa mi ngaytu nga Israel seked it ikaꞌpat nga tungtung-inapuꞌ.” 31 Temed ta, si Jehu ngayti, ega tingled i nakem ya nga pasigi nga sumunud it mga urdin it AMPUꞌANG DIYUS it bangsa nira nga Israel. Sabap, mga maraꞌe-raꞌet nga buwat ni Jeroboam nga iti nay ipiyagkasalaꞌan it mga Israelita, iyan naga i giyuru ni Jehu ngayti. Pagꞌadiꞌ ni Joacaz baw si Joas duꞌun it Israel [Mga 830 seked it 798 B.C.] 35 Pagpatay ni Jehu ngayting adiꞌ it Israel, ilimbeng kanya duꞌun it Samaria. Simnublit kanya it magꞌadiꞌ, anak ya nga si Joacaz. |
© 1992, Wycliffe Bible Translators, Inc. All rights reserved.
Wycliffe Bible Translators, Inc.