2 Cronica 33 - Tagbanwa

Miyabut nga matuud i panriga nga inampang it Ampuꞌang Diyus [Mga 670 B.C.]

¹⁰ Ta, maski siyuraraw ngayti it AMPUꞌANG DIYUS si Manases baw mga sinakepan ya, daꞌsira nagpagneg.

¹¹ Aypaꞌ ka piyarumpakan ya sira it mga sundaluꞌ it adiꞌ it Asiria. Nadakepan nira si Manases baw biyayuk it rantay nga tumbaga. Bawnga diyundun nira nga subuk ramu-ramu nga pagtatagikawan, tiyaban na nga dakepan duꞌun it Babilonia.

Nagsinguliꞌ it kamatuudan si Manases

¹² Kat atkayti nga nabetangan ni Manases, nagpababaꞌ kanya nga banar kat adapan it AMPUꞌANG DIYUS it mga kagiyaringanan ya, baw piyaꞌresan yat kamatuudan i ildaw ya.

¹³ Tiyubag it AMPUꞌANG DIYUS i panalangin ni Manases, aypaꞌ ka piyaꞌuliꞌ kanya duꞌun it Jerusalem baw nagꞌadiꞌ naga. Duꞌun mana kinilala ni Manases nga, AMPUꞌANG DIYUS, kanya i kamatuudan nga Ampuꞌan it muꞌsa.

¹⁵ Pagkaꞌanu kayti, inawaꞌ ni Manases duꞌun it Templo i mga pagbete-beteꞌen nga diyus nga giyuru nira duꞌun it beken nga bangsa baw tiyaw-taw ngayti nga ipiyatindeg ya duꞌun. Ipiyaꞌawaꞌ ya gasiꞌ i mga papangantengan nga ipiyabwat duꞌun it mungsuꞌ ngayti nga pagtitindegan it Templo, baw duꞌun it Jerusalem, ka ipiyabuntal ya duꞌun it liꞌwan it siyudad.

¹⁶ Ipiyabwat ya siꞌ i riyanggaꞌ nga papangantengan nga iyan i pagꞌantengan in pagsambaen i AMPUꞌANG DIYUS. Bawnga duꞌun it papangantengan ngayti nagbuwat kanya it mga salisi nga ipagꞌangut it pagkagayen duꞌun it AMPUꞌANG DIYUS, baw mga ipagsamba nga pasalamat. Ipiyagꞌurdin yat taga Juda nga iyan nay sirbiyan nira, AMPUꞌANG DIYUS it kanirang bangsa nga Israel.

¹⁷ Matuud, mga taw, sigi nagang pagbuwat nira it mga salisi nga ipagsamba duꞌun it mga papangantengan nga duꞌun it mga mungsuꞌ. Temed, iti nga buwat nira, AMPUꞌANG DIYUS na i pagpaꞌiguꞌan nira.