2 Cronica 28 - Tagbanwa

¹ Temed piyasyangan ya i adat it kagiyaringanan ya nga si David, nga purus magayen kat panleteg it AMPUꞌANG DIYUS.

² Sabap iyan i giyuru ya, karaꞌe-raꞌetan nga pamagbuwaten it mga adiꞌ it mga Israelita duꞌun it nurti. Nagpabwat kanya it mga tiyaw-taw nga ladawan it pagbete-beteꞌen nga diyus nga si Baal, nga tiyunaw nga basiꞌ i binwat.

³ Nagꞌanteng paꞌ kanya it ipagsamba nga kamangyan duꞌun it daranasan it Ben-hinom. Pati mga anak ya nga lalaki, dakel i siyari yat anteng ka ipiyagsamba na. Itiꞌen ngayti, nakasbung it mararaꞌway nga pamagbuwaten it mga bangsa nga piyangimugaw it AMPUꞌANG DIYUS, pagꞌabut it mga Israelita duꞌun.

⁴ Talagang, kat pagsamba ya it mga pagbete-beteꞌen nga diyus, simnari na kanyat buwat it panalisi baw nagꞌanteng it kamangyan duꞌun it mga mungsuꞌ, mga bulud, baw duꞌun it siꞌrung it kada maluꞌgum nga kayu.

Pagꞌadiꞌ ni Ezequias duꞌun it Juda [Mga 717 seked it 697 B.C.]

²⁷ Pagpatay it adiꞌ it Juda nga si Acaz, nga anak ni Jotam ngayti, duꞌun i limbengan it kanya it Jerusalem, temed ega duꞌun it paglebngan it beken nga mga adiꞌ it Juda. Simnubli it pagkaꞌadiꞌ ya, anak ya nga si Ezequias.