1 Samuel 9 - Tagbanwa

¹ Kat kuyunang mga tungtung-inapuꞌ ni Benjamin may esang mabantug nga taw, si Cis i ngaran ya, anak kanya ni Abiel baw apuꞌ ni Zeor nga anak ni Becorat baw apuꞌ ni Afia.

² May anak ya nga pagpangaranan it ki Saul. Nanginubusan nay panlalaki ya, kanaꞌkan baw malawas paꞌ it muꞌsang mga Israelita, ka paꞌabaga ya lamang sira. (Si Saul ngayti, tiyaꞌeg it amaꞌ ya nga tulusun yay beken nga kabayuꞌ nira nga asno nga nateꞌag-teꞌag. Nakapaꞌatibegbeg i panaw ya ngayti, duꞌun it lansangan it Rama nga pagtataꞌidan ni Samuel.)

¹⁵ Sumunud pang aldaw bawnga mabut si Saul duꞌut Rama, may ipiyaꞌrut it AMPUꞌANG DIYUS it ki Samuel. Maat ya,

¹⁶ “Dedelem nga atkaytuy uras, may ipaꞌasitu kut imu nga esang taw kat kuyunang mga tungtung-inapuꞌ ni Benjamin. Paturuꞌan muy ulu ya it lana ka ipasiguru mu nga adiꞌ na it mga taawan ku nga mga Israelita. Kanya na i rimibri it mga Israelita kat mga kalaban nira nga mga Filisteo, ka magkasanguꞌ aku nat magkaltegan ku nga kakuriꞌan it mga piniliꞌ ku ngaytung mga taw.”

¹⁷ Pagꞌabut ni Saul, maat it AMPUꞌANG DIYUS it ki Samuel, “Yanayan i lalaki ngayang paꞌaaten ku nga kanya na i magꞌadiꞌ situt mga taawan ku.”