1 Mga Adiꞌ 2 - Tagbanwa

Mga pan-gun ni David duꞌut anak ya nga si Solomon [Mga 985 B.C.]

¹ Iyan pagtatanudun ni David nga ega na paꞌlayen kanya, maat ya it anak ya ngayti nga si Solomon,

² “Subuk adeꞌdeng naytu i kapaladan ku. Magayen pakagayen-gayen ka baw pakalalaki ka.

³ Sunudun mu nga pirmi i muꞌsang ipiyagꞌurdin it AMPUꞌANG DIYUS mu, baw mangaꞌgenan ka it uyun kat kaꞌirgan ya. Sunudun mut magayen i mga urdin ya, taꞌeg ya, mga pangukuman baw kataldengan nga magsusurat duꞌun it mga kasuratan ni Moises. Pagsisiguruun ku nga in mabwat mu gay mga itu ngaytu, purus may lapusan it kumpur pagbuwaten mu.

⁴ Baw pagsisiguruun ku gasiꞌ nga tumanen it AMPUꞌANG DIYUS i iyan nga mga isiyanggup yat aken ngayan nga magꞌaat, ‘In sukur gat mga anak-inapuꞌ mu, inturun nira i pangaꞌgenan nira nga maneꞌteꞌ nga matuud i pagsunud nirat aken it pagsunud nga tingled talagay nakem nira, talagang magtungtung-magꞌinapuꞌ nga, kaduguꞌan mu, magsisigi naga nga may kapagꞌadiꞌ it bangsa ngaytu nga Israel.’”

¹⁰ Naꞌbut na nga matuud i kapaladan it adiꞌ ngayti nga si David. Limbengan it kanya, duꞌun nat Siyudad ni David ngayti.

¹¹ Epat nga pulung taꞌun nga muꞌsa i kaꞌlay it pagꞌadiꞌ ya, ka pitung taꞌun i pagꞌadiꞌ ya duꞌut Hebron baw tulung puluꞌ may tulung taꞌun i duꞌun nat Jerusalem.

¹² Egay beken, si Solomon siꞌ ngayti i nagꞌadiꞌ, ka simnubli na kanya it pagkaꞌadiꞌ it amaꞌ ya. Madali-daliꞌ nakatiꞌen-tiꞌen i pagkaꞌadiꞌ ya ngayti.