1 Mga Adiꞌ 15 - Tagbanwa

³ Temed kat pagꞌadiꞌ ni Abiam ngayti, giyuru ya i muꞌsang karaꞌe-raꞌetan it amaꞌ ya. Ega maat nagpasbung kanya it apuꞌ-tuꞌud ya nga si David, nga simnunud it AMPUꞌANG DIYUS it tingled talaga i nakem.

Pagꞌadiꞌ ni Asa duꞌun it Juda [Mga 926 seked it 886 B.C.]

⁸ Pagpatay ni Abiam, duꞌun nagat susubliyen nira nga kalelbengan i limbengan it kanya nga duꞌun it pagpangaranan it Siyudad ni David. Anak ya nga si Asa i simnubli it pagkaꞌadiꞌ ya.

Pagpatay ni Asa duꞌun it Juda, nga gimnantit kanya, si Josafat [Mga 886 B.C.]

²⁴ Ta, naꞌbut nay kapaladan ni Asa ngayting adiꞌ duꞌun it Juda. Pagpatay ya, limbengan it kanya, duꞌun it pagpangaranan ngaytit Siyudad ni David nga duꞌut Jerusalem. Anak ya nga si Josafat i gimnanti it kanya kat pagkaꞌadiꞌ.

²⁵ Pagpapuꞌun ni Nadab it nagꞌadiꞌ duꞌut Israel, duwang taꞌun nay pagꞌadiꞌ ni Asa duꞌut Juda. Temed duwang taꞌun lamang i kaꞌlay it pagꞌadiꞌ ni Nadab ngayti.

²⁶ Sabap karaꞌe-raꞌetan ga i binwat ya kat panleteg it AMPUꞌANG DIYUS. In unuy karaꞌe-raꞌetan nga binwat it amaꞌ ya nga ipiyagkasalaꞌan it mga Israelita, ipiyasigi ya naga.

²⁷ Ega nga matuud naꞌlay i pagꞌadiꞌ ni Nadab ngayti ka inagaw ni Baasa, nga anak ni Ahias nga kat kuyunang mga tungtung-inapuꞌ ni Isacar. Iyan riyumpak ni Nadab baw mga sundaluꞌ ya i Gibeton, nga esang lansangan nga naꞌagaw it mga Filisteo it tagnaꞌ, inimatay kanya ni Baasa ngayti.

²⁹ Pagkaꞌagaw ni Baasa it pagkaꞌadiꞌ, imbus ya it pangimatay i muꞌsang kuyunan ni Jeroboam, subung nat inampang ngayti it AMPUꞌANG DIYUS nga ipiyaꞌampang ya it prupitaꞌ ngayti nga si Ahias nga taga Silo.

³⁰ Atkayti i nabetangan it kuyunan ngayti ni Jeroboam sabap it mga kasalaꞌan ya, nga iti i ipiyagkasalaꞌan it mga sinakepan ya nga mga Israelita. Aypaꞌ ka naꞌangut ya talagay iseg it AMPUꞌANG DIYUS.

³⁴ Kat pagꞌadiꞌ ni Baasa, yay dakulaꞌ, karaꞌe-raꞌetan kat panleteg it AMPUꞌANG DIYUS. Sabap ipiyasigi ya naga nga buwaten i kasalaꞌan ngayti ni Jeroboam nga iti nay ipiyagkasalaꞌan it bangsa nira nga Israel.