1 Mga Adiꞌ 13 - Tagbanwa

Ukuman it Ampuꞌang Diyus it mga kasalaꞌan ni Jeroboam

¹ Kaꞌsa nga magtitindeg si Jeroboam duꞌun it papangantengan ngayti duꞌut Betel, ka magꞌanteng it kamangyan nga ipagsamba, miyabut i esang prupitaꞌ nga garing duꞌun it Juda, nga tiyaꞌeg it AMPUꞌANG DIYUS.

² Tiyaꞌgan it kanya it AMPUꞌANG DIYUS isaꞌun sumpaan i papangantengan ngayti, aypaꞌ ka maat ya, “Papangantengan, papangantengan, pagnegan mu i ipagpasugid it AMPUꞌANG DIYUS nga ampang ya. Sumakit kat kaꞌanakan it adiꞌ nga si David i esang lalaki nga pangaranan it ki Josias. Pangimatayen ya sikaytut imu i mga sasirduti it mga papagsambaan situt kamumungsuꞌan, sira nga magbuwat it ipagsamba kat sagpaw mu. Talagang antengan ya na ikaw it mga tuꞌlang it taw.”