PINYIKIANG 12 - Hakcipta - Biatah Bidayuh

Miriam dog Ukum

¹ Moses mbŭh sawŭn dayung daya Cush, ka Miriam ngga Aaron ngamun ayŭh sitagar anŭ.

² Ngara nang, “Agi kah TUHAN kaŭs-i minyu so baba Moses adŭ? Dŭh kah Ayŭh agi gŭh minyu so baba ta?” TUHAN dingah kayuh adi ngara nang.

³ (Moses inŭh daya adi pirapat adŭp-i. Ayŭh pirapat adŭp-i rabis so daya bŭkŭn adi di ong.)

⁴ Ka gŭgŭh TUHAN minyu di Moses, Aaron ka Miriam, “Aku raan angān taruh mandŭg ka Bari Ku.” Ngara di,

⁵ ka TUHAN mūn darŭm tŭngŭn abun, mijog di rawa Bari TUHAN, ka bagan, “Aaron! Miriam!” Ngara duwŭh di nyindŭk,

⁶ ka TUHAN nang, “Dingah kayuh adi re Ku nang! Kan bara nabi agi di ruang ngan, Aku pinandŭng adŭp Ku di ngara keya ka darŭm pŭmŭh ka minyu ngga ngara darŭm pŭmŭh.

⁷ Pak-i dŭh simŭnŭ kan Aku minyu ngga urun Ku Moses; Aku mbŭh bada ayŭh jadi pinguru sopŭrŭg bara daya Ku Israel.

⁸ Jadi Aku minyu ngga ayŭh situra jawin, ngga tarang ka dŭh bipatun; ayŭh mbŭh kiris gŭh gayŭn Ku! Birani angān minyu rawan urun Ku Moses?”

⁹ TUHAN mbŭh baji di ngara; ka darŭm-I bu

¹⁰ ka buang abun bu so Bari TUHAN, kurit Miriam mbŭh rasu puno ngga andam kurit adi bisā buang marui jadi buda mun salju. Kan Aaron kimat ayŭh ka kiris ayŭh puno ngga andam kurit anŭ,

¹¹ ayŭh nang di Moses, “Tuan, turung dŭhnyah pijera kieh ngga ukum ati sitagar dosa bawa ami ati.

¹² Dŭhnyah bada ayŭh keya ka sipira dog biranak kabŭs ngga sitangah pŭrŭng ganan-i madam.”

¹³ Jadi Moses bidua ka TUHAN, nang-i, “O Tapa, pibua ayŭh!”

¹⁴ TUHAN nam, “Kambŭi sama-i nyiruja jawin-i, ayŭh an nyijŭn mangŭh-i sitŭkŭd ju andu. Jadi meh bada ayŭh dog na di sapa tarun yŭn bibari sitŭkŭd ndi minggu, ka ripas anŭ ayŭh bisa dog bada pari mŭrŭt.”

¹⁵ Miriam dog na di sapa tarun yŭn bibari sitŭkŭd ju andu, ka bara daya dŭh mindah ndŭg ka ayŭh mbŭh dog bada pari mŭrŭt.

¹⁶ Komŭnŭ ngara bipindah so Hazeroth ka bibari di tarun tana-pajam Paran.